Д.Сугар: 75 сая, 37 сая ам.долларын зээлд өгсөн баталгаа хуурамч гэдгийг Арбитрын шийдвэр чинь өөрөө зөвшөөрчихсөн байгаа

“Эрдэнэт” үйлдвэрийг  “Стандарт” банкинд барьцаалан зээл авсан асуудал олон улсын Арбитрын гурван шатны шүүхээр хянагдаж, манай улсын тал ялагдал хүлээгээд байгаа. “Эрдэнэт” үйлдвэрийг  барьцаалан “Стандарт” банкиас зээл авахад баталгаа гаргаж өгсөн гэх асуудалд “Жаст”-ын Ш.Батхүүд уг үйлдвэрийг барьцаалан зээл олгохыг зөвшөөрч “Эрдэнэт” үйлдвэрийн захирал асан Ч.Ганзориг, Төрийн өмчийн хорооны дарга асан Д.Сугар нарын хүмүүс гарын үсэг зурсан байдаг. Энэ талаар тухайн үеийн Төрийн өмчийн хорооны дарга асан, Үндсэн хуулийн цэцийн гишүүн Д.Сугар "Өдрийн сонин"-д ярилцлага өгчээ.  Тэрээр,

         -Ийм байдалд хүргэхэд миний оролцоо, буруутай үйлдэл байхгүй. Лондонгийн олон улсын Арбитрын шүүхийн шийдвэр 357 хуудас материал байгаа. Тэнд миний нэр  ус байгааг та нар олвол бид хоёр цагийн дараа бүрэн эрхээсээ татгалзаад, 461 дүгээр хорих ангийн үүдэнд очно. 2009 лнд зээлсэн 36 сая ам.доллар, 2010 оны 27 сая ам.долларын талаар үийдвэр гаргасан байна лээ. 75 сая ам.доллар, 37 сая ам.долларын зээлд өгсөн баталгаа хуурамч гэдгийг Арбитрын шийдвэр чинь өөрөө зөвшөөрчихсөн байгаа. Тэр байтугай 27 сая ам.долларын баталгааг ч хуурамч гэж зөвшөөрөөд, харин үйлдлээрээ хэрэгжүүлж эхэлсэн байна гэж үзсэн бололтой. тэр нь чухам юу юм би мэдэхгүй. Харин 36 сая ам.долларын хувьд 40 хуудас гэрээний сүүлчийн хуудсыг жинэхэн гарын үзсэгтэй юмаар сольчихсон гээд тэр ярилцлагад дурдсан байна лээ.

Ш.Батхүүгийн тухайд тэр хүнийг таних, танихгүйн асуудал тийм чухал юм уу? Нүгэл буяны талаар жаахан ч гэсэн юм ойлгодог бол хичнээн хүн чирэгдүүлж байгаагаа, улс орноо яаж хохироож байгаагаа тэр хүн бодмоор юм. Уул нь өөрөө анхнаасаа л хуурамчаар үйлдсэнээ хүлээн зөвшөөрсөн юм. Өөрийнх нь гарын үсэгтэй тодорхойлолт ч бий. Ямар ч байсан би өөрийгөө холбоогүйг баттай мэдэж байна. Улс орноо ийм байдалд хүргэсэн хүн нь илүү дэлгэрэнгүй ярих байлгүй. Би мэдэх юм аа л хэллээ. Мэдэхгүй юмныхаа талаар мэдэмхийрэх дэмий биз дээ гэжээ.