Польшуудыг “танк сэлэмддэгийнхэн” гэж хошигнодог нь ийм учиртай
- schedule 2018 оны 2 сарын 9
- chat_bubble 0
Архангайнхныг “танк хүлдгийнхэн” гэж явуулдаг шиг Польшуудыг “танк сэлэмддэгийнхэн” гэж хошигноход болох нэгэн баримтыг танд дэлгэе. Хөөрхий Архангайчууд ч ханьтай болсондоо баярлаг. Гэвч энэ хоёр тохиолдлын аль нь ч үлгэр домог биш үймээн самуун, дайн байлдаантай цаг үед болсон явдлууд гэдгийг эрхэм уншигч тунгаана буй заа.
Фашистууд 1939 онд Польшид цэргийн ажиллагаа явуулах үеэр германы моторжуулсан анги руу Польшийн морин цэрэг дайралт хийсэн явдал үнэхээр болж өнгөрсөн гэдэг. Энэ тулалдаан 1939 оны 9 дүгээр сарын 1-нд Кроянтагийн орчимд болжээ. Польшийн цэргүүд немцүүдийг гүн ар тал руугаа нэвтрүүлэхгүй барихын тулд Хойницегээс 7 километрийн зайд орших Дорнод-Пруссийн төмөр замын дагуу дайсны отряд руу дайралт хийсэн байна.
Фашистын генерал Хайнц Гудрианы командалсан танкийн 19 дүгээр хорооны зүүн жигүүрт тус хорооны моторжуулсан 20 дугаар дивиз ажиллагаа явуулж байсан бөгөөд тус дивизийн 76 дугаар явган хорооны эсрэг Польшийн цэргүүд тулалдаж байж.
Польшийн морьт цэрэг немцүүдийг Гданьск руу довтлохыг нь хориглож бүхий л хүчээрээ чармайж байсан ч хамгаалалт нь сэт цохигджээ. Померанск Уланскийн 18 дугаар хороо цаг хожих, ар талын ангиудын ухралтыг хаацайлах үүрэгтэй байв. Уланскийн 18 дугаар хороо Тухольскийн тэгш тал газарт Хойнице-Руново төмөр замын зөрлөг орчимд немцийн явган цэргийн отрядтой тулгарчээ.
Хурандаа Казимир Масталеж 1-р эскадроны дарга Эугениуш Свищакуд гэнэтийн довтолгоонд бэлтгэж, 2 эскадроны хүчээр дайралт хийхийг 19 цаг 00 минутад үүрэг болгосон байна.
Дайралт эхэндээ амжилттай болж, немцүүдийн хүч сарнисан учраас польшууд тэгш талыг эзлээд аваадахаж. Тэгж байтал немцүүд тагнуулын 20 дугаар отрядыдоосоо хуягт машины тусламж илгээсний харгайгаар польшууд бие бүрэлдэхүүнийхээ тэн хагасыг алдсаны дотор Масталеж, Свищаку нар ч оржээ. Гэхдээ л польшууд немцүүдийн довтолгоог түр зогсоож чадсан байна.
Немцийн цэргийн сурвалжлагчид болон италийн ажил мэргэжил нэгтнүүд нь мөн өдөрт нь тулалдааны талбарт болсон явдлыг судалжээ. Италийн сэтгүүлч Индро Монтанелли бичсэн өгүүлэлдээ, немцийн танкууд руу сэлэм, жадтайгаа дайран тулалдсан польшийн цэргүүдийн эр зориг, баатарлаг үйл явдлын тухай өгүүлсэн байлаа.
Үнэн хэрэг дээрээ иймэрхүү зүйл огт болоогүй ч, энэ хэтрүүлэг туйлын хурдан тархжээ. Немцийн 9 дүгээр сарын 13-ны өдрийн «Die Wehrmacht» сэтгүүлд: Польшийн цэргүүд манай танк руу дундад зууны үеийн зэвсэгтэй дайрсан нь нэгэнт үнэн юм бол польшууд немцийн цэргийн хүчийг дэндүү дутуу үнэлж байгаа хэрэг гэж дурдсан байжээ.
Юу ч болсон байлаа гэсэн генерал Станислав Гржмот-Скотницкийн тушаалаар байлдааны ажиллаагааг амжилттай явуулсан 18 дугаар хороог дайнд гаргасан эр зоригийн төлөө олгодог Virtuti Militari нэртэй одонгоор шагнасан гэдэг.
Бэлтгэсэн: Я. Жанчив
Санал болгох
Сонин хачин
Уншиж байна ...