Хүүхэд нь өвдсөн бол цалинтай чөлөө авч болно
- schedule 2018 оны 1 сарын 9
- chat_bubble 1
Гадуур томуу, томуу төст өвчний дэгдэлт их байгаа учраас Засгийн газрын тогтоолын дагуу өнөөдрөөс эхлэн нийслэлийн өрхийн эрүүл мэндийн төвүүд ажлын өдөр 08-19 цаг хүртэл, бямба гарагт 10-14 цагийн хооронд буюу уртасган цагаар ажиллахаар болж байна.
Мөн дүүргийн эрүүл мэндийн төвийн хүүхдийн кабинетууд уртасгасан цагаар ажиллаж буй.
Засгийн газрын тогтоолын хүрээнд дүүргийн эрүүл мэндийн төв, нэгдсэн эмнэлгийг хүүхдийн кабинет, тасгийг нэн шаардлагатай тоног төхөөрөмж, багаж хэрэгслээр хангахаар ажиллаж байгаа бөгөөд ьомуу, томуу төст өвчний үед хүүхдэд эрүүл мэндийн тусламж, үйлчилгээ үзүүлэхэд нэн шаардлагатай эм, эмнэлгийн хэрэгсэл, тоног төхөөрөмж авах, илүү цагаар ажилласан эрүүл мэндийн ажилтанд нэмэгдэл хөлс олгоход зориулж 2 тэрбум 487 сая гаруй төгрөгийн санхүүжилтийг шийдвэрлээд байгаа юм.
Үүнээс гадна энэ нэгдүгээр сарын 2-ноос гуравдугаар сарын 1-ний өдрийг хүртэлх хугацаанд амьсгалын замын цочмог халдвар, томуу, томуу төст өвчнөөр өвчилсөн тав хүртэлх насны хүүхдээ эмнэлэгт, эсхүл гэрээр асарсан ажил хөдөлмөр эрхэлж байгаа эх, эцэг, асран хамгаалагчдад тав хүртэлх хоногийн цалинтай чөлөө олгохыг төсвийн байгууллагын дарга, захирал нарт даалгаж, хувийн хэвшлийн болон төрийн бус байгууллагын ажил олгогч нарт Эрүүл мэндийн яамнаас зөвлөж байгаа аж.
Санал болгох
Сонин хачин
Уншиж байна ...