БХБ-ын сайд Х.Баделхан ”ТОСК” ТӨҮГ-ын ажил байдалтай танилцав

УИХ-ын гишүүн, БХБ-ын сайд Х.Баделхан салбарынхаа харьяа агентлаг, байгууллагуудтай танилцсан эхний уулзалтуудаа хийж эхэллээ. Тэрээр “Төрийн орон сууцны корпораци” Төрийн өмчийн үйлдвэрийн газрын үйл ажиллагаа, одоо хэрэгжүүлж байгаа болон цаашид хэрэгжүүлэх төсөл хөтөлбөр, тулгамдсан асуудлуудтай танилцав.

       "ТОСК" ТӨҮГ-ын ерөнхий захирал Ж.Хичээнгүй байгууллагынхаа хэрэгжүүлж ирсэн төсөл хөтөлбөрүүдийг танилцуулаад, Засгийн газрын 2015 оны 248 дугаар тогтоолоор баталсан "Түрээсийн орон сууц" хөтөлбөрийн явцын талаар дэлгэрэнгүй мэдээлэл өгсөн байна. Уг хөтөлбөрийн дагуу 2015-2021 онд 20 мянган өрхийг түрээсийн орон сууцанд хамруулах юм. Засгийн газрын баталсан тогтоолын дагуу 82.3 тэрбум төгрөгийн орон сууцыг түрээсийн санд шилжүүлснээр 1512 айл "Түрээсийн орон сууц"-нд ая тухтай амьдарч байна гэв.
Мөн “ТОСК” ТӨҮГ-ын тулгамдсан асуудлууд, түүнээс гарах гарцын талаар санал солилцож, Засгийн газрын тогтоолоор баталгаажсан авлагуудыг улсын төсөвт суулгах асуудлыг үе шаттайгаар шийдэхийн тулд нягт хамтран ажиллахаар санал нэгдсэн гэнэ.

Харин цалингаа нэмэгдүүлэх хүсэлт гаргаад байгаа эмч, багш нарыг орон сууцжуулах асуудлыг ярилцсан болов уу?

Багш эмч нарын ажлын гүйцэтгэлд суурилсан урамшуулал цалинг орон  сууцжуулах асуудалтай нэгтгэвэл ядарсан эдийн засагтай манай улсын хувьд сайнсан.