Үхрийн ястай мах нэг килограмм нь дунджаар 8280 төгрөг байлаа
- schedule 2017 оны 5 сарын 19
- chat_bubble 0
Өнгөрсөн долоо хоногийн хүнсний гол нэрийн бүтээгдэхүүний үнэ ханшийг танилцуулж байна.
Махны дундаж үнэ
Энэ оны тавдугаар сарын III долоо хоногт хонины ястай нэг килограмм мах дунджаар 7330 төгрөг, үхрийн ястай мах нэг килограмм нь дунджаар 8280 төгрөгийн үнэтэй байна.
Үхрийн ястай махны үнэ өмнөх долоо хоногтой харьцуулахад 0.5 хувиар буюу 45 төгрөгөөр буурч, харин үхрийн цул махны үнэ 3.6 хувиар буюу 335 төгрөгөөр өсчээ. Энэ 7 хоногийн ажиглалтаар үхрийн мах “Хархорин” хүнсний захад хамгийн хямд буюу 6200 төгрөг, харин “Меркури” хүнсний захад хамгийн өндөр үнэтэй буюу 9500 төгрөг байна.
Хонины ястай махны үнэ өмнөх долоо хоногтой харьцуулахад 1.5 хувиар буюу 105 төгрөгөөр өсч, харин хонины цул махны үнэ 1.1 хувиар буюу 80 төгрөгөөр буурсан байлаа.
Энэ долоо хоногийн ажиглалтаар хонины мах “Хархорин” хүнсний захад хамгийн хямд буюу 6000 төгрөгөөр, харин “Меркури” хүнсний захад хамгийн өндөр үнэтэй буюу 9500 төгрөгөөр худалдаалж байна.
Гурилын үнэ
Энэ оны тавдугаар сарын III долоо хоногт нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1100-1500 төгрөг, I зэргийнх 900-1300 төгрөг, II зэргийнх 749-850 төгрөг байна.
Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1140-өөс 1300 төгрөгийн үнэ ханштай байна.
Харин “Барс” хүнсний захад дээд зэргийн “Алтан тариа” гурил 1100 төгрөг, I зэргийн гурил 950 төгрөгөөр тус тус зарагдаж байна.
“Атар” талх хүнсний зах, дэлгүүрт 1100-1210 төгрөгийн үнэтэй байна.
“Оргил”, “Хархорин” хүнсний захуудад “Атар” талхыг хамгийн хямд буюу 1100 төгрөгөөр, харин “Сансар” супермаркетад хамгийн өндөр үнээр буюу 1210 төгрөгөөр худалдаалж байна.
Төмс, хүнсний ногоо
Харин төмс, хүнсний ногооны хувьд энэ оны тавдугаар сарын III долоо хоногт өмнөх долоо хоногтой харьцуулахад монгол төмс 3.6 хувиар буюу 25 төгрөгөөр, хүрэн манжин 35.2 хувиар буюу 735 төгрөгөөр, хятад сонгино 4.1 хувиар буюу 60 төгрөгөөр өсч, харин лууван 3.8 хувиар буюу 35 төгрөг, байцаа 3.6 хувиар буюу 65 төгрөгөөр буурсан байна.
Санал болгох
Сонин хачин
Уншиж байна ...