УИХ-ын гишүүн О.Баасанхүү жирийн гишүүний өрөөнд суухаас татгалзлаа
- schedule 2017 оны 4 сарын 24
- chat_bubble 2
УИХ-ын гишүүн О.Баасанхүүгийн өрөөг УИХ-ын гишүүн, АН-ын дарга С.Эрдэнэд суллаж өгч байгаа юм байна. С.Эрдэнэ өөрийн өрөөгүйгээс УИХ-ын АН-ын Бүлгийн даргын өрөөнд өнөөг болтол сууж байгаа аж.
Харин УИХ дахь АН-ын бүлгийн дарга Д.Эрдэнэбат нь жирийн гишүүний өрөөнд суудаг. Тиймээс Д.Эрдэнэбат даргыг бүлгийн даргын өрөөтэй, С.Эрдэнэ гишүүнийг өрөөтэй болгох үүднээс УИХ-ын гишүүн О.Баасанхүү гишүүнийг жирийн гишүүний өрөө рүү шилжүүлэх болсон нь багахан шуугиан тараад байна.
О.Баасанхүү гишүүн нь өмнөх парламентын үед МҮАН-МАХН-ын “Шударга ёс” бүлгийн дарга байхдаа тус өрөөнд оржээ. Одоо энэ эрхэм бүлэггүй, жирийн гишүүн. Тиймээс УИХ-ын Тамгын газраас О.Баасанхүү гишүүнд өгсөн мэдэгдэлд гаж юм алга.
УИХ-ын гишүүн О.Баасанхүү өнөөдөр яг энэ асуудлаар мэдээлэл хийж байна. Учир нь тэрбээр энэ шийдвэрийг эсэргүүцэж Төрийн ордны коридорт ажлаа явуулахаар суудлаа зассан. Гэтэл бүр байгаад Сүхбаатарын талбайд гэр барьж суун, тэндээс ажлаа явуулах юм байх аа.
Санал болгох
Сонин хачин
Уншиж байна ...