Замын цагдаагийн албанаас “Онлайн хурал” зохион байгууллаа
- schedule 2017 оны 2 сарын 22
- chat_bubble 0
Замын цагдаагийн албанаас Төв, орон нутгийн хэмжээнд түүний дотор улсын болон олон улсын чанартай босоо, хэвтээ тэнхлэгийн дагуух замуудад үйлдэгдэж буй тээврийн хэрэгслийн хөдөлгөөний аюулгүй байдал, ашиглалтын журмын эсрэг гэмт хэрэг, осол, зөрчлийг бууруулах, хяналт шалгалтыг эрчимжүүлэн ажиллаж байгаа.
Энэхүү ажлын хүрээнд 21 аймгийн Замын цагдаагийн тасаг, хэсгүүдтэй хамтран өчигдөр /2017-02-21/ Автотээврийн үндэсний төвд “Онлайн хурал” зохион байгууллаа.
“Онлайн хурал” нь орон нутгийн автозамуудад үйлдэгдэж буй осол, хэргийн нөхцөл байдалд дүн шинжилгээ хийж, шалтгаан нөхцлийг судалж тогтоох, арилгуулах, урьдчилан сэргийлэх ажил, арга хэмжээнүүдийг оновчтой, үр дүнтэй зохион байгуулах зорилго чиглэлтэй юм.
Тус хурлын үеэр улсын чанартай хатуу хучилттай авто замуудад хөдөлгөөнт эргүүл, пост ажиллуулж хурд хэмжих, согтуугаар тээврийн хэрэгсэл жолоодох явдлыг таслан зогсоох, хамгаалах бүсний хэрэглээн дээр тавих хяналтыг сайжруулах, замын хөдөлгөөнд оролцож байгаа тээврийн хэрэгслийн техникийн бүрэн бүтэн байдалд тавих хяналтуудыг эрчимжүүлэн ажиллах чиглэлээр тасаг, хэсгийн дарга нарт үүрэг, ажлын чиглэл өгч, орон нутгийн нөхцөл байдалтай танилцлаа.
Санал болгох
Сонин хачин
Уншиж байна ...