ХААХ
АВТО ЗАМД 27.5 ТОНН ДАВС, 123.5 ТОНН БОДИС ЦАЦСАН БАЙНА
“ХОЁРДУГААР ТӨРӨХ ЭМНЭЛЭГ”-ИЙН ГАЗРЫН АСУУДЛЫГ ХУУЛИЙН ДАГУУ ШИЙДВЭРЛЭХЭЭР АЖИЛЛАЖ БАЙНА
СЭРЭМЖЛҮҮЛЭГ: ЗАЛИЛАХ ГЭМТ ХЭРЭГ ҮЙЛДСЭН БАЙЖ БОЛЗОШГҮЙ 10 ДАНС
УУЛЫН ЗАМ БОЛОН НАЛАЙХЫН ЗАМААР ЗОРЧИХГҮЙ БАЙХЫГ АНХААРУУЛЖ БАЙНА
УОК: ГҮНТИЙН ДАВААНЫ ХӨДӨЛГӨӨНИЙГ ХЯЗГААРЛАСАН
ХХААХҮЯ-наас согтууруулах ундаа үйлдвэрлэгч, импортлогч аж ахуйн нэгжүүдэд зориулж зөвлөмж гаргалаа
- schedule 2017 оны 2 сарын 20
- chat_bubble 0
Бүтээгдэхүүний чанар, аюулгүй байдлыг хангуулах, холбогдох хууль тогтоомжийн хэрэгжилтийг сайжруулах зорилгоор энэхүү зөвлөмжийг гаргав.
- Архидан согтуурахтай тэмцэх тухай хуулийн 4 дүгээр зүйлийн 4.4 дэх заалт, Засгийн газрын 2008 оны 159 дүгээр тогтоолоор батлагдсан “Согтууруулах ундааны үйлдвэрлэлийн техникийн зохицуулалт”-ын 2.1.5 дахь заалтад заасны дагуу холбогдох стандартын шаардлага хангасан бүтээгдэхүүн үйлдвэрлэх, чанарын алба, нэгж, ажилтан нь бүтээгдэхүүний цуврал бүрийг дотоодын хяналтын лабораторийн сорилтын үр дүнг үндэслэн чанарын гэрчилгээ үйлдэн баталгаажуулж, худалдаа үйлчилгээнд гаргаж байх;
- Хүнсний бүтээгдэхүүний аюулгүй байдлыг хангах тухай хуулийн 12 дахь зүйл, Архидан согтуурахтай тэмцэх тухай хуулийн 5 дугаар зүйлийн 5.3 дахь заалтад заасны дагуу шошгонд агуулах мэдээллийг бүрэн тавих, барааны тэмдгийг баталгаажуулсан байх;
- Хүнсний бүтээгдэхүүний аюулгүй байдлыг хангах тухай хуулийн 12 дахь зүйлд заасны дагуу хүнсний түүхий эд, бүтээгдэхүүний ул мөрийг мөрдөн тогтоох бүртгэлийг хөтөлж хэвшсэн, зохих арга хэмжээ авч ажилладаг байх;
- Хүнсний тухай хуулийн 10.1.4, 11.2.2 дахь заалтад заасны дагуу үйлдвэрлэлд үйлдвэрлэлийн болон эрүүл ахуйн зохистой дадал нэвтрүүлсэн байх, импортын хүнс нь зохистой дадал эсхүл хяналт, удирдлагын тогтолцоог нэвтрүүлснийг баталгаажуулсан үйлдвэрийнх байх;
- ХХАА-н сайд, ХЗДХ-ийн сайд, СЭЗ-ийн сайд, ЭМ-ийн сайдын 2004 оны 74/154/170/175 дугаар тушаалаар баталсан “Хүнсний болон техникийн зориулалтаар ашиглах спиртийн хуваарилалт, олголт, зарцуулалт, түүнд хяналт тавих журам”-ын 4 дэх хэсэгт заасны дагуу спиртийн үйлдвэрлэл эрхлэгчид нь хүнсний болон техникийн спиртийн зарцуулалтын бүртгэл тайланг гаргаж, Хүнс, хөдөө аж ахуй, хөнгөн үйлдвэрийн яаманд ирүүлж байх;
- Аж ахуйн үйл ажиллагааны тусгай зөвшөөрлийн тухай хуулийн 14.1.1 дэх заалтад заасны дагуу тусгай зөвшөөрөл эзэмшигч нь тусгай зөвшөөрлийн нөхцөл шаардлагыг хангаж ажиллах, тусгай зөвшөөрлийг хугацаанд нь сунгуулах эсхүл цаашид үйл ажиллагаагаа эрхлэхгүй бол Хүнс, хөдөө аж ахуй, хөнгөн үйлдвэрийн яаманд албан ёсоор мэдэгдэж, тусгай зөвшөөрлийг хүчингүй болгох хүсэлт гаргах;
- Хүнсний бүтээгдэхүүний аюулгүй байдлыг хангах тухай хуулийн 10.3.1 дэх заалтын дагуу импортлогч, үйлдвэрлэл эрхлэгчид нь өөрсдийн үйлдвэрлэн зах зээлд нийлүүлж буй бүтээгдэхүүний борлуулалтын мэдээллийг тогтмол бүртгэж, тухайн бүтээгдэхүүнтэй ижил төстэй бүтээгдэхүүнийг хуурамчаар үйлдвэрлэгдэж байгааг илрүүлэх, сэжигтэй тохиолдолд Шудрага өрсөлдөөн хэрэглэгчдийн төлөө газар, цагдаагийн байгууллагад нэн даруй мэдээллэж тогтоолгох;
- Согтууруулах ундаа импортлогч, үйлдвэрлэл эрхлэгч нь Засгийн Газрын 2014 оны 157-р тогтоолоор батлагдсан “Хүнсний чиглэлийн үйл ажиллагаа эрхлэгчид дотоод хяналтыг хэрэгжүүлэх үлгэрчилсэн журам”-ын дагуу дотоод хяналтыг зохион байгуулж, “Хүнсний тухай хуулийн 12.1-д “Хүнсний чиглэлийн үйл ажиллагаа эрхлэгч нь хүнсний сүлжээний өөрт хамаарах үе шат бүрд дотоод хяналтыг хэрэгжүүлж, хүнсний түүхий эд, бүтээгдэхүүнийхээ чанар, эрүүл ахуй, аюулгүй байдлыг бүрэн хариуцна” гэж заасныг мөрдлөг болгон ажиллах нь зүйтэй.
0
хуваалцсан
Санал болгох
Сонин хачин
Уншиж байна...
Уншиж байна ...
Бүх пост уншигдсан байна...