Хууль бусаар тээвэрлэсэн мөнгөн усыг илрүүлсэн Цагдаагийн алба хаагчид шагнагджээ
- schedule 2017 оны 2 сарын 15
- chat_bubble 0
Цагдаагийн алба хаагчид нийтлэг үүргийнхээ хүрээнд 64.5 кг мөнгөн ус бодисыг хууль бусаар тээвэрлэж явсныг илрүүлсэн байна.
Тэдгээр алба хаагчид нь Хан-Уул дүүргийн Замын цагдаагийн хэлтсийн зохицуулагч, цагдаагийн ахлах дэслэгч Б.Эрдэнэжаргал, цагдаа зохицуулагч, цагдаагийн ахлах ахлагч Б.Баярхүү нар юм.
Тодруулбал, өнгөрсөн 2016 оны арванхоёрдугаар сарын 22-ны өдөр БГД-ийн нутаг Тээврийн дээд сургуулийн урд талын замд албан үүргээ гүйцэтгэж байх хугацаандаа “Range rover” маркийн Э жолоочтой автомашиныг шалган 64,5 кг мөнгөн усыг хууль бусаар тээвэрлэж явсныг илрүүлжээ.
Илрүүлсэн мөнгөн усыг БГД-ийн Цагдаагийн нэгдүгээр хэлтэст шилжүүлсэн байна.
Химийн хорт болон аюултай бодисыг зохих зөвшөөрөлгүйгээр тээвэрлэж явсан иргэнийг илрүүлж, хуулиар хүлээсэн үүргээ нэр төртэй биелүүлсэн тэднийг Цагдаагийн Ерөнхий газрын “Баярын бичиг”-ээр шагналаа.
Санал болгох
Сонин хачин
Уншиж байна ...