“Samsung”-ийн өв залгамжлагчийг прокурорууд дахин дуудлаа
- schedule 2017 оны 2 сарын 13
- chat_bubble 0
Өмнөд Солонгосын Ерөнхийлөгч Пак Гын Хэг тойрсон улс төрийн дуулиан шуугианыг мөрдөн шалгаж байгаа прокуроруудын тусгай баг “Samsung Electronics” группын өв залгамжлагч И Жэ Ёныг байцаахаар өнөөдөр дахин дууджээ.
И Жэ Ён өнөө өглөө 9:30 цагт прокуроруудын байрлаж байгаа газарт очсон байна. Тэрээр сэтгүүлчдэд мэдэгдэхдээ “Би энд үнэнийг хэлэхээр ирсэн” гэжээ.
Нэгдүгээр сарын 22-нд түүнийг анх удаа байцаасан юм. Байцаалт 22 цагийн турш үргэлжилсэн билээ.
Өнгөрсөн сарын сүүлчээр И Жэ Ёныг баривчлах зөвшөөрөл өгөхийг хүссэн прокуроруудын хүсэлтийг Сөүлийн шүүх хүлээн авахаас татгалзсанаас хойш түүнийг анх удаагаа дуудаж байгаа нь энэ юм.
“Samsung Electronics”-ийн удирдлагын бусад хүнийг ч өнөөдөр тусад нь байцааж магадгүй гэсэн мэдээлэл байна.
Ерөнхийлөгч Пак Гын Хэгийн дотны найз болох Чой Сүн Сил гэгчид 43 тэрбум вон буюу 37.4 сая долларын хахууль өгсөн байж магадгүй гэж И Жэ Ёныг сэжиглэж байгаа юм.
Эх сурвалж: МОНЦАМЭ/СӨҮЛ.Nikkei/
Санал болгох
Сонин хачин
Уншиж байна ...