Өндөр өртөгтэй мэс заслын тусламж үйлчилгээ үзүүлж буй төрийн мэдлийн эмнэлгүүдэд шалгалт хийж байна
- schedule 2017 оны 2 сарын 6
- chat_bubble 0
Эрүүл мэнд, нийгмийн даатгалын ерөнхий газрын Эрүүл мэндийн даатгалын бодлогын хэрэгжилтийн газар 2017 оны хяналт шалгалт хийх төлөвлөгөөний дагуу төрийн мэдлийн эмнэлгүүдэд шалгалт хийж байна.
Нийгмийн даатгалын үндэсний зөвлөлийн 2016 оны 07 тоот тогтоолоор батлагдсан “Эрүүл мэндийн даатгалын сангаас өндөр өртөгтэй зарим тусламж, үйлчилгээнд шаардлагатай эмнэлгийн хэрэгсэл, сэргээн засах зориулалтаар хийгдэх протез, ортопедийн зардлыг санхүүжүүлэх хяналт тавир журам”-ын хэрэгжилт, даатгуулагчдад үзүүлсэн тусламж, үйлчилгээний зардлын гүйцэтгэлд хяналт, шалгалт хийж эхэллээ. Шалгалтад
- Улсын нэгдүгээр төв эмнэлэг;
- Улсын хоёрдугаар төв эмнэлэг;
- Улсын гуравдугаар төв эмнэлэг;
- Эх хүүхдийн эрүүл мэндийн үндэсний төв;
- Хавдар судлалын үндэсний төв;
- Гэмтэл согог судлалын үндэсний төв гэсэн төрийн өмчийн 6 эмнэлэг хамрагдсан байна.
Илэрсэн зөрчил, дутагдлыг арилган, залруулах, мэргэжил арга зүйн зөвлөмж өгөх, нийгмийн даатгалын шимтгэлийн өрийг барагдуулах, цаашид авах арга хэмжээний санал боловсруулах зорилгоор энэхүү шалгалтыг хийж байгаа гэлээ. Шалгалт
2017 оны 03 дугаар сарын 10-ны өдрийг дуустал үргэлжлэх гэнэ.
Санал болгох
Сонин хачин
Уншиж байна ...