Д.Трамп: Үндэсний аюулгүй байдлын хувьд ”чухал өдөр” болно
- schedule 2017 оны 1 сарын 26
- chat_bubble 0
“Ойрын үед үндэсний аюулгүй байдлын хувьд “чухал өдөр” болно. Тухайлбал, АНУ болон Мексикийн хил дээр хэзээ хана барьж эхлэхийг зарлана” гэж АНУ-ын Ерөнхийлөгч Дональд Трамп мэдэгдлээ.
Тэрбээр ойрын хэд хоногийн дотор цагаачлал болон хилийн аюулгүй байдалтай холбоотой хэд хэдэн зарлиг, тэдгээрийн дотор Ойрхи Дорнод болон Африкийн лалын шашинт 7 улсаас ирсэн цагаачдыг “шалгах” тухай зарлигт гарын үсэг зурах бололтой.
Тэрбээр твиттер хуудсандаа “маргааш үндэсний аюулгүй байдлын хувьд маш чухал өдөр болно. Бид хана барина!” гэж бичсэн байна.
Мексиктэй залгаа хилийн дагуу 3200 км урт хана барих нь түүний мөрийн хөтөлбөртөө тусгасан гол зүйлүүдийн нэг юм.
Мөн холбогдох албаны хүмүүстэй хамтран ажилласнаар АНУ-ын “дархлагдсан хотууд” дахь хууль бус цагаачдыг албадан нутаг буцаана гэж тэрбээр сонгуулийн кампанит ажлынхаа үеэр амласан билээ.
“Дархлагдсан хотууд” гэдэг нь АНУ-д хууль бусаар амьдарч байгаа цагаачдыг баривчилж, хорьдоггүй газрууд ажээ.
Эх сурвалж: МОНЦАМЭ/ВАШИНГТОН.ВВС/
Санал болгох
Сонин хачин
Уншиж байна ...