ӨМӨЗО–ны багш нартай хамтарсан “Хамтдаа нөхөрлөе” спортын нөхөрсөг тэмцээн боллоо
- schedule 2017 оны 1 сарын 11
- chat_bubble 0
Чингэлтэй дүүргийн Засаг даргын Тамгын газар, Боловсролын хэлтэс, төрийн болон төрийн бус өмчийн цэцэрлэгүүд санаачлан Чингэлтэй дүүргийн Засаг даргын ивээл дор “Түншлэл” зорилтот төслийг хэрэгжүүлж эхлээд байгаа.
Энэхүү төслийн хүрээнд Чингэлтэй дүүргийн цэцэрлэгүүдтэй хамтын ажиллагааны гэрээтэй Хэнтий аймгийн 6 сум, ӨМӨЗО-ны 7 хошууны 8 цэцэрлэгийн 200 гаруй багш оролцсон олон үйл ажиллагаанууд энэ өдрүүдэд болж байгаа.
Тэдгээр үйл ажиллагаануудын нэг болох Чингэлтэй дүүргийн Засаг даргын ивээл дор “Хамтдаа нөхөрлөе” спортын нөхөрсөг тэмцээн амжилттай зохион байгуулагдаж, шилдгүүдээ тодрууллаа.
Тус тэмцээн нь гар бөмбөг, ширээний теннисний төрлүүдээр зохиогдсон. Эдгээр тэмцээнд Хэнтий аймгийн 1, 2 дугаар баг, ӨМӨЗО–ны баг, Чингэлтэй дүүргийн төрийн бус өмчийн цэцэрлэгүүдийн баг, Тэнгисийн бүс, Дэнжийн бүс, Төвийн бүс, Салхитын бүс, Чингэлтэйн бүс гэсэн 9 баг өрсөлдлөө.
Тэмцээний нээлтийн үйл ажиллагаанд Монгол Улсын Шадар сайдын зөвлөх М.Батбаяр, Чингэлтэй дүүргийн Засаг даргын орлогч Ж.Лхагвасүрэн, Хэнтий аймгийн Иргэдийн Төлөөлөгчдийн Хурлын төлөөлөгч Баян-Овоо сумын Засаг дарга Д.Баянмөнх, нийслэлийн Боловсролын газрын мэргэжилтэн н.Гантулга, Баян-Овоо сумын нутгийн зөвлөлийн дарга н.Гантулга, Иргэдийн Төлөөлөгчдийн Хурлын дарга Н.Цолмонбаяр нар оролцлоо.
Ширээний теннисний төрөлд
- 1 дүгээр байр: Салхитын бүс
- 2 дугаар байр: Хэнтий аймаг
- 3 дугаар байр: Дэнжийн бүс
- Гар бөмбөгийн төрөлд
- 1 дүгээр байр: Тэнгисийн бүс
- 2 дугаар байр: Салхитын бүс
- 3 дугаар байр: Хэнтий аймгийн 1 дүгээр баг эзэллээ.
Тэмцээний шилдэг зохион байгуулалттай багаар ӨМӨЗО–ны баг тамирчид шалгарлаа.
Мөн шилдэг тоглогчоор Тэнгисийн бүсийн довтлогч н.Цэлмэг-Оюу, Хэнтий аймгийн 1 дүгээр багийн довтлогч н.Ганцэцэг нар шалгарлаа.
Тэмцээний шагналыг Чингэлтэй дүүргийн Засаг дарга Ж.Эрдэнэбат, Санхүү, төрийн сангийн хэлтсийн дарга Ж.Орхонбаяр, Баян-Овоо сумын Иргэдийн Төлөөлөгчдийн Хурлын дарга Н.Цолмонбаяр, Засаг дарга Д.Баянмөнх нар гардууллаа.
“Хамтдаа нөхөрлөе” спортын нөхөрсөг тэмцээн бүтэн өдрийн турш өрсөлдөөнтэй, хөгжөөн дэмжигчдийн халуун алга ташилт дор боллоо.
Хагас шигшээ финалын бүх тоглолтуудад 3 дугаар ээлжийн тоглолт гарч, 1-2 онооны зөрүүтэй хүчтэй өрсөлдөөнтэй өндөрлөсөн юм.
Санал болгох
Сонин хачин
Уншиж байна ...