Эхнэрээ зээ дүүгийнх нь хамт заазуурдаж хөнөөсөн Өвөрмонгол эр хэн байв?

Эл хэрэгт Ө хэмээх өвөрмонгол эрийг сэжигтнээр татсан. Тэгвэл онц харгис хэрцгий аргаар хоёр хүний аминд хүрсэн этгээдийг Өргөнтал гэдэг бөгөөд тэрээр ӨМӨЗО-ны Үзэмчин хошууны иргэн аж.

Сонгинохайрхан дүүргийн 19 дүгээр хороонд нөхөр нь эхнэрээ зээ дүүгийнх  нь хамт заазуурдаж хөнөөсөн хэрэг оны өмнө буюу арванхоёрдугаар сарын 31-нд гарсан. Мөн 13 настай дагавар хүүгийнхээ гарыг заазуураар цохиж хүнд гэмтээсэн.

Эл хэрэгт Ө хэмээх өвөрмонгол эрийг сэжигтнээр татсан. Тэгвэл онц харгис хэрцгий аргаар хоёр хүний аминд хүрсэн этгээдийг Өргөнтал гэдэг бөгөөд тэрээр ӨМӨЗО-ны Үзэмчин хошууны иргэн аж.

Эх сурвалжийн өгсөн мэдээллээр Өргөнтал манай улсад анх 2007 онд ирсэн гэнэ. Тэрээр 2008 онд эхнэртэйгээ танилцаж, 2014 онд гэрлэлтээ батлуулжээ. Талийгаач Х нь багш мэргэжилтэй хэдий ч “Хархорин” зах дээр худалдаа хийдэг байжээ. Харин Өргөнтал “Хуа Ди” гэх хятадын компанид орчуулагч хийдэг байсан гэнэ. Урьд нь тэрээр ямар нэгэн гэмт хэрэгт холбогдож байгаагүй аж.

Хэрэг гардаг өдөр тэрээр хадам эгчийндээ эхнэрийнхээ хамт очиж шинэ жилийн баяраа тэмдэглэчихээд гэртээ ирсэн гэдэг. Удалгүй тэд хоорондоо муудалцах үед Өргөн тал “эхнэрээ ална” хэмээн заазуур барин дайрсан байна. Энэ үед тэднийд үлдсэн зээ дүү нь унтаж байсан бөгөөд Өргөнтал түүний толгойн тус газарт заазуурдаж, амийг нь бүрэлгэсэн байдаг. Мөн дагзандаа заазуураар цохиулсан эхнэр нь шархаа даалгүй газар дээрээ амьсгал хураасан. Зүүн гарандаа гэмтсэн 15 настай дагавар хүү нь тухайн өдрөө ГССҮТ-д хүргэгдэн ирж, яаралтай мэс засалд орсон ч дахин хагалгаанд орж магадгүй байгаа юм.

Одоо сэжигтэн Өргөнталыг цагдаагийн байгууллагаас яллагдагчаар татан шалгаж байгаа юм байна. Түүнийг Эрүүгийн хуулийн 91.2.12-т заасанчлан онц харгис хэрцгий аргаар; 91.2.16. хоёр буюу түүнээс олон хүнийг гэснийг үндэслэн шалгаж байгаа аж. Хэрэв шүүхээс гэм буруутай нь тогтоогдвол Өргөнтал 20-25 жилийн ял шийтгүүлнэ.

Эх сурвалж: WWW.EAGLE.MN