Шинэ жилээр дөрөв хоног амрах уу
- schedule 2016 оны 12 сарын 7
- chat_bubble 1959
Засгийн газрын хэвлэл мэдээлэл олон нийттэй харилцах албаны дарга Г.Отгонбаяр өөрийн сошиал хуудсаар дамжуулан иргэд шинэ жилийн өдрүүдэд хэд хоног амрах хүсэлтэй байгааг танджээ. 2017 оны нэгдүгээр сарын 01-ны өдөр амралтын өдөр буюу ням гаригт таарч байгаа аж. Бүх нийтээр амардаг энэ өдөр нэгэнт амралтын өдөр таарсан тул түүнийг 12-р сарын 30-ны ажлын өдөрт шилжүүлэн тооцож, арванхоёрдугаар сарын 29-нөөс эхлэн нэгдүгээр сарын 1 хүртэл дөрвөн хоног амарвал ямар вэ гэсэн санал албан бусаар яригдаж буй бололтой. Хэрэв энэ санаа нийгмийн сүлжээнд дэмжигдвэл цаашаа албан ёсоор хэлэлцэгдээд, шийдвэр болон гарч магадгүй нь.
Арванхоёрдугаар сарын 29-нд Үндэсний эрх чөлөө, тусгаар тогтнолоо сэргээсний баярыг нийтээр тэмдэглэнэ. Зургаа дахь жилдээ тэмдэглэж буй энэ баяр өнөө жил пүрэв гаригт тохиож буй бөгөөд үндэсний эрх чөлөөний хөдөлгөөн өрнүүлж, Манжийн дарлалаас салж, Богд хаант Монгол Улсыг байгуулсны 105 жилийн ой тохиож байгаа юм. Ийнхүү бүх нийтээр энэ сарын 29-нд амрах учир дунд нь ганцхан ажлын өдөр таарч байгаа аж.
Санал болгох
Сонин хачин
Уншиж байна ...