Үнэт цаастай холбоотой бүх мэдээллийг “Үнэт цаасны зах зээлийн нээлттэй өдөрлөг”-өөс аваарай!

Монголын хөрөнгийн бирж, Санхүүгийн зохицуулах хороо, Монголын үнэт цаасны арилжаа эрхлэгчдийн холбоо, Үнэт цаасны хадгаламжийн төвлөрсөн хадгаламжийн төв, Арилжааны төлбөр тооцоо, Кастодиан банк, Төлбөр тооцооны банк, үнэт цаасны компани зэрэг Үнэт цаасны зах зээлийн мэргэжлийн оролцогч байгууллагууд  хамтран "Нэг зорилго, нэгдсэн шийдэл" зорилгын хүрээнд хэлэлцүүлэг болон нээлттэй өдөрлөг арга хэмжээг 2016 оны 10 дугаар сарын 26-29 ны өдрүүдэд зохион байгуулах гэж байна.

“Үнэт цаасны зах зээлийн нээлттэй өдөрлөг” 2016 оны 10 дугаар сарын 28-29-ны өдрүүдэд Монголын хөрөнгийн биржийн байранд болно. 

Тус өдөрлөгийн үеэр Үнэт цаасны зах зээлийн мэргэжлийн байгууллагууд нэг цэгийн цогц үйлчилгээг үзүүлэх юм. Үүнд:

• Арилжаа болон хувьцаат компанийн талаарх мэдээлэл,

• Засгийн газрын үнэт цаасны талаарх мэдээлэл, танилцуулга,

• Ногдол ашгийн мэдээ,

• Хөрөнгө оруулалтын зөвлөгөө,

• Үнэт цаасны данс нээх үйлчилгээ,

• Төлбөр тооцооны данс нээх үйлчилгээ,

• Данс шүүх үйлчилгээ /Эрдэнэс таван толгой цэнхэр тасалбар, хувьцаатай эсэх/

• Үнэт цаастай холбоотой иргэдийн санал хүсэлт,

• Үнэт цаасны зах зээлийн талаарх сургалт гэх мэт.

 “Үнэт цаасны зах зээлийн нээлттэй өдөрлөг”-т өргөнөөр оролцоно уу!