Хаягдсан нярайг хөхүүлж, амийг нь аварчээ

Цагдаагийн офицер Луйза Фернанда Урреа Колумб улсын алслагдсан ой модонд нярай хүүхэд хаягдсан тухай мэдээллээр очжээ. Ой модон дунд хаягдсан хүүхэд уйлахыг жүрж түүж явсан эмэгтэй олж цагдаад мэдэгдсэн байна. Анхандаа муур гэж бодсон ч ойртож очиход хүй нь ч цөглөөгүй бяцхан охин байсан гэнэ. Охин өлсөж цангасан, бие нь хөрсөн байдалтай байжээ.

Офицер Луйза хүүхэд хоол хайж уйлж байгааг хараад охиныг хөхүүлж амийг нь аварсан байна. Ойд хаягдсан бяцхан охины аз болоход цагдаа бүсгүй саяхан ээж болсон, хөх нь сүүтэй байжээ. Луйза "Ийм нөхцөл байдалд орсон бол сүүтэй ээж бүр охиныг хөхүүлэх байсан” гэж ярьсан байна. Охиныг Колумбын албаны байгууллага халамжиндаа авсан бөгөөд цагдаа нар эхийг нь  хайж байна.