Оксанагийн ”Монголчууд Чингис хааны үр удам” бүтээл олонд гайхагдаж байна
- schedule 2016 оны 9 сарын 20
- chat_bubble 0
Зураач Оксана Панченко Москва хотод амьдардаг. Хүүхэд байхдаа тэрээр аав ээжийнхээ хамтаар Монголд гурван жил гаран амьдарчээ.
Тэрээр Монголд амьдарч байсан үеэ санан дурсах дуртай. Мөн Монголд байна гэж байнга зүүдэлдэг гэж байсан. Тиймдээ ч тэр үү түүний хийсэн хүүхэлдэйний ихэнх нь Монголчуудтай холбоотой.
Оксана уран бүтээлийнхээ ихэнх хугацааг хүүхэлдэй хийхэд зарцуулдаг. Харин сүүлийн зургаан жилд энэ нь гэр бүлийн бизнес болон өргөжжээ.
Түүний бүтээлийн нэгээхэн том хэсэг бол "Монголчууд Чингис хааны үр удам" хэмээх бүтээл юм. Энэ бүтээлийнхээ талаар тэрээр "Их түүхийн эхлэл, бага насны дурсамжуудын илэрхийлэл" хэмээн товчхон хариулсан байна.
Өнгөрсөн жилийн аравдугаар сард Москва хотноо зохиогдсон Олон улсын хүүхэлдэйн шоуд тэрээр оролцож энэхүү цуврал бүтээлийнхээ зарим хэсгийг борлуулсан гэж байсан.
Хүүхэлдэйнүүдийнх нь гар, хөл, толгой нь эргэдэг. Тиймээс хүүхэлдэйн биеийн байрлалыг өөрчлөн зогсоох боломжтой. Хүүхэлдэйн өндөр нь 23-25 см. Одоо та бүхэнд үзүүлэх түүний хүүхэлдэйний зургуудыг түүний нөхөр авчээ.
Монголыг мөнх хөх тэнгэргүйгээр төсөөлөхийн аргагүй. Тиймээс хүүхэлдэйнүүдийнхээ зургийг хөх тэнгэрийн дор байгаагаар авчээ.
Оксана: -Миний бизнесийн гол чиглэл бол хөрөг хүүхэлдэй хийх. Үүнийг мэрэгжлийн хобби гэж хэлж болно гэлээ.
Тэрээр "Монголын баатарлаг тууль" нэртэй хоёр дахь цувралаа хийж эхлээд байгаа гэнэ. Эдгээр хүүхэлдэйгээ зоримог, хүчтэй, баатарлаг төрхтэйгөөр хийж байгаа юм байна.
Санал болгох
Сонин хачин
Уншиж байна ...