Бээжингийн түүхэн дурсгалт болон сонирхол татам газруудын цагийн хуваарь, үнэ ханш
- schedule 2016 оны 7 сарын 27
- chat_bubble 1
Бээжин хот бол БНХАУ-ын нийслэл, засаг захиргааны төв мөн. Бас 3000 жилийн соёлын түүхтэй, дэлхийн хүмүүсийн сонирхлыг татсан, аялж жуулчлах хүмүүсийн тоо нэмэгдэж байгаа хотуудын нэг юм.
Сүүлийн үед Бээжинд монголчууд ихээр аялж, жуулчилдаг. Иймд та бүхнийг тус хотод очоод үзэж сонирхохгүй өнгөрч болохгүй болон түүхэн дурсгалт, онцлог газруудын зах зухаас танилцуулж байна. Эдгээр газруудын талаар хэвлэл мэдээллээр янз бүрийн танилцуулга байдаг.
Гэхдээ бид хамгийн чухал хэмээн үзэж байгаа түүхээс нь цухас дурдаад тухайн газруудыг үзэж сонирхоход нь тус болох зорилготой ажиллах цагийн хуваарь, үнэ ханш, ямар унаагаар, хэрхэн яаж очих боломжтойг танилцуулж байна.
Бээжинд Цагаан хэрэм, Хааны ордон, Найралт найрамдал сүм зэрэг нээлттэй аялагч, жуулчдын очих дуртай, сонирхол татсан 200 гаруй газар байдаг.
Та Бээжин хотод очоод дор дурдаж байгаа газруудаар заавал очоорой. Таны сэтгэлд таалагдана гэдэгт итгэлтэй байна.
Цагаан хэрэм(长城. Энэхүү хэрэм нь Жун Юань орон дахь хаан төр, умардын Хүннү, Монголын төрөөс сүрдэж, Чин Ши Хуангийн үеэс эхлэн байгуулсан өндөр хэрэмнүүд юм. Энэ хэрэм нь Бээжингийн зах тойрог дахь өндөр уулсын оройд байрладаг. Тухайн үеийн дайн байлдаанаас тус хотыг хамгаалан ийнхүү баригдсан хэмээн ойлгож болно.
Тус хэрмийг 06:30-19:00 цагт үзэж сонирхох боломжтой. Тасалбарын үнэ нь 35-40 юань.
Цагаан хэрмийг 4-10 дугаар сарын үед үзэж сонирхвол байгалийн үзэмж нь сайхан харагддаг.
Хааны ордон(故宫. Энэ ордны хуучин нэр нь Зинь Чэн юм. Энэхүү ордон нь БНХАУ-д аялж жуулчилж байгаа жуулчдын заавал очиж сонирхох газруудын нэг юм. Тэр нь Дундад улсын Мин, Чин хоёр хаант түмний ордон бөгөөд нийт 24 хаан энэхүү ордонд байсан аж.
Энэхүү ордон нь Дундад улсын хамгийн их музейн үзмэрүүд байдаг. Түүнчлэн одоог хүртэл хадгалагдан үлдсэн цорын ганц хаадын ордон юм.
Тус ордон нь даваа гаригт амарч, бусад өдрүүдэд 08:30-17:00 цаг хүртэл ажилладаг байна.
Тасалбарын үнэ нь 40-60 юань.
Бээжингийн Жиу Көү Дянь(周口店猿人遗址) нь 500 мянган жилийн өмнө амьдарч байсан хүний занданшуулсан шарил олдсон газар юм. Жиу Көү Дян нь Бээжингийн Фан Шань орны Лун Гү Шань ууланд байдаг. Энэхүү музейгээс эртний хүн төрөлхтний талаар үзэж сонирхох боломжтой юм.
Тус музей нь долоон тэнхимтэй. Эдгээр тэнхмүүдэд олон тооны соёлын дурсгалт зүйл, амьд бодисын/хүн, амьтан, ургамлын чулуужсан биет/ чулуужмал, чулуун зэвсэг байдаг байна.
Энэ музейг 08:30-16:30 хүртэл үзэх боломжтой. Харин тасалбарын үнэ нь 30 юань.
Олимп(奥体中心, спортын ордон “Шувууны үүр”, мөн Усан спортын ордон. Бээжин хотноо Олимп(奥体中心, спортын ордон буюу “Шувууны үүр”, мөн Усан спортын ордон байрладаг. Энэхүү барилгууд нь 2008 оны олимпод зориулж барьсан, үзэсгэлэнтэй, мөн бэлгэ тэмдгийн шинж чанартай барилга юм. Шөнө илүү үзэмжтэй сайхан харагддаг байна.
“Шувуун үүр”-ийн дотор орж үзэж сонирхвол 50 юань төлнө, харин Усан спортын ордон нь 30 юань төлөх юм байна. Энэхүү хоёр ордон нь зөвхөн өдрийн цагт үйлчилдэг.
Хоу Хай (后海)түүхийн гудамж . Хоу Хай(后海) нь Бээжийнгийн Ши Ша Хай-гийн нэгэн хэсэг юм. Үүний хажуугаар Бээжингийн хамгийн олон түүх дурсгалын зүйлүүд болон бүрэн эхээрээ хадгалагдан үлдсэн түүхийн гудамж байдаг. Тухайлбал, Чин улсын Шуудан хороо, На Лан Рун Руо, Сүн Чин Лин, Гуо Мо Руо зэрэг нэрт хүмүүсийн амьдарч байсан орон гэр нь байрладаг.
Хоу Хай хэмээх энэхүү газрыг шөнө үзэж сонирхвол илүү үзэмжтэй харагддаг байна. Тус гудамжинд нуурын хөвөөгөөр олон тооны уушийн газар байрладаг. Нань Луо Гү Шань гэдэг газраас хагас бэлэн бүтээгдэхүүн аваад, нуурын хөвөөнд очиж хооллон, шар айраг уун амрах боломжтой .
8-10 дугаар сард илүү тааламжтай сайхан байдаг байна.
Төвийн радио, телевизийн суврага(中央电视塔. Энэхүү суврага нь 386,5 метрийн өндөртэй. БНХАУ-д гуравдугаарт, дэлхийд зургаад ордог ажээ. Суврагын дээд давхарт зоогийн газар(旋转餐厅) байрладаг. Энэхүү зоогийн газар ороход хоол тавьсан танхим нь эргэлддэгээрээ олны сонирхлыг татдаг.
Харин суврагын хамгийн доод хэсэгт нь “Далайн ордон”(海底世界) хэмээн нэрлэгдсэн хана даган олон тооны загастай аквриумуудтай танхим байрладаг. Энэ нь далай дунд явах мэт сэтгэгдэл төрүүлдэг байна.
Энэхүү суврага 07:00-21:00 цаг хүртэл ажилладаг. Үүдийн хоолыг нэг хүний 168 юаниар идэх боломжтой. Гэхдээ энэ төлбөрөөр үдийн зоог барихаас гадна суврагыг тухайн цаг үед чөлөөтэй үзэж сонирхох боломжтой юм.
Харин оройн зоогийг 298 юаниар идэх, мөн суврагыг үзэж сонирхох боломжтой. Гэхдээ оройн цагт “Далайн ордон” нь хаачихдаг.
Гэхдээ та зоог барихгүйгээр, зөвхөн суврагатай танилцаж, “Далайн ордон”-оор аялахыг хүсвэл 70 юаниар аялах боломжтой юм.
Бэлтгэсэн: Аля, Наргил, Мэргэн, Цэлмэг, Чэнмэн
Санал болгох
Сонин хачин
Уншиж байна ...