"Miss Earth 2014"-д И.Төгсөө шилдэг наймд шалгарлаа
- schedule 2014 оны 12 сарын 1
- chat_bubble 0
“Miss Earth-2014” /Эх Дэлхийн Мисс/ сайхан бүсгүй шалгаруулах 14 дэх удаагийн тэмцээний эцсийн шалгаруулалт 2014 оны 11-р сарын 29-ний өдөр Филиппиний Кьюзон хотын Театрын их сургуульд болж өндөрлөлөө.
“Байгаль эх дэлхийн гоо үзэсгэлэнг хайрлан хамгаалья” уриан дор жил бүр зохион байгууллагддаг “Miss Earth-2014” титмийн төлөөх шилдэг найман гоо бүсгүйн нэгээр Монгол Улсаа төлөөлөн оролцсон Идэрсайханы Төгсөө тодорлоо.
Энэ удаагийн тэмцээнд 85 орны гоо бүсгүйчүүд оролцсоноос зохион байгуулагч орны сайхан бүсгүй Жамие Херелл тэргүүн гоо бүсгүйн титмийг зүүлээ.
Дэд байр буюу “Агаар” миссээр АНУ-ын гоо бүсгүй Андреа Неу, “Ус” миссээр Венесэулийн Майра Александра Родригез, “Гал” миссээр ОХУ-ын гоо бүсгүй Анастасиа Трусова нар шалгарлаа.
Шилдэг наймд МОНГОЛ, Бразил, Словак, Испанийн гоо бүсгүйчүүд багтжээ.
"Мисс Монголиа-2011"-ийн ялагч И.Төгсөө ийнхүү шилдэг наймд багтсанаар манай улсаас “Miss Earth”-д хамгийн өндөр амжилтыг үзүүлсэн гоо бүсгүй боллоо.
Тэр Монголдоо “Үнсгэлжин” наадмын тэргүүн байр, “Монголжингоо-2007” тэмцээний “Шилдэг загвар өмсөгч”, “BBQ miss-2007” тэмцээний дэд байр эзэлж байсан.,
Гадаадад И.Төгсөө олон улсын тэмцээнээс “Miss Friendship International-2009” тэмцээнд I байр, “Miss International-2011”-д II байр, “Miss Global beauty Queen” олон улсын наадмын тэргүүн байр, “Манжуурын мисс -2009” тэмцээний тэргүүн байр, эзэлж байжээ.
Эдүгээ 22 настай мисс маань энэ тэмцээний “Коктейль үдэшлэгийн даашинз” үзүүлэх шалгаруулалтад II байр эзэлснээс гадна өөрийн улс үндэстний хувцас, гоёлыг харуулах шалгаруулалтад Торго салоны дизайнер О.Болдын урласан усан цэнхэр хатны дээлээр гоёсон нь шүүгчдээс өндөр үнэлгээ авсан байна.
Дэлхийн гоо бүсгүйчүүд шалгаруулдаг дэлхийн дөрвөн том тэмцээний нэг “Miss Earth” 2001 оноос эхлэн 14 дэх удаагаа зохиогдсон ба Бразил, Венесуэль, Филиппин бүсгүйчүүд тус бүр хоёр удаа тэргүүн титэм зүүжээ.
Санал болгох
Сонин хачин
Уншиж байна ...