35 ширхэг торгон хөнжлийн үнээр хөнжил, ширмэл гудас хийдэг тоног төхөөрөмжөө авч болох нь

Г.ТУЯА

        Саяхан би дэлгүүр оров.  Сайхан хөнжил гудас үзэж сонирхлоо.  Сайхан эд ч байна шүү.  Өнгө, хэмжээ, чанар гээд бүхий л шаардлагыг хангахуйц  бүтээгдэхүүнүүд тэнд байна.  Настай аав, ээждээ авах сэрүүхэн сайхан "цайны дэр", хөнгөн дулаахан "орос" хөвөнтэй, торгон, энергижүүлдэг гээд  олон төрлийн хөнжлүүд байна.  Харин үнийн хувьд гэвэл 50 мянгаас нэг сая төгрөг. Эрүүл мэндээ бодохоор авмаар даана ч үнэтэй юм.

Тэгэхээр бид энэ удаад  чанартай эдгээр хөнжлийг хийж болох  Шанхайд үйлдвэрлэсэн тоног төхөөрөмж байдаг юм байна. 

Хамгийн гол нь энэхүү тоног төхөөрөмж нь компьютерэн удирдлагатай. Тэгэхээр хэмжээ болон хээгээ сонгочихвол  чанартай энэхүү хөнжил бэлэн боллоо гэсэн үг.   227  төрлийн хээгээр   ширнэ гээд төсөөл дөө. Хөвөнтэй, торгон  гээд өөр олон төрлийн материалаар хөнжил болон аяны хөнжил, гудас,  орны бүтээлэг, дэрний уут гэх мэт. 

Танд энэхүү тоног төхөөрөмжийг худалдан аваад үйлдвэрлэл эрхлэхэд нийтдээ 30 ам метр  талбай бүхий байр хэрэгтэй.    Машины хэмжээ 4.5х3 метр, өндрөөшөө 1.25 метр.  Харин хавах бүтээгдэхүүний хэмжээ 2.2х2.6 метр байна.

Оёдлын төр хоорондын зай нь 2-10 мм.  Оёх эргэлтийн хурд 300-2500 эргэлт/мин, 220V ажиллана. Цахилгаан зарцуулалт 1.5 KW. Ийм тоног төхөөрөмж ойролцоогоор 7.0 сая төгрөгийн үнэтэй байдаг гэнэ.  Дэлгүүрт худалдаалж байсан бүтээгдэхүүнээр тооцвол долоон ширхэг энергижүүлдэг хөнжил= Солонгосын 35 ширхэг торгон хөнжлийн үнээр   энэхүү тоног төхөөрмжийг худалдан авч болох нь.