Тайландад “Нислэгийн Удирдагч”-аар сургана
- schedule 2015 оны 11 сарын 6
- chat_bubble 2
Хөшигийн хөндийд баригдаж буй Улаанбаатар хотын олон улсын шинэ нисэх буудлын Цамхагийн нислэгийн хөдөлгөөний удирдлагын ажлын байранд шаардлагатай “Нислэгийн удирдагч” мэргэжлээр Тайланд улсад сурах 12 суралцагчийг сонгон шалгаруулах гэж байна.
Шалгаруулалтыг Тайланд улсын Нисэхийн сургалтын төвөөс зохион байгуулах бөгөөд ИНЕГ-ын Сургалтын төвийн байранд 2015 оны 11 дүгээр сарын 16, 17-ны өдөр, 10, 11 тоот өрөөнд 08-17 цагийн хооронд бүртгэх гэнэ.
Элсэгчдэд Монгол Улсын Боловсрол, соёл шинжлэх ухааны яам, Боловсролын магадлан итгэмжлэх үндэсний зөвлөлөөс магадлан итгэмжлэгдсэн болон гадаад, дотоодын их, дээд сургуулиудыг үнэлгээний голч оноо 2,7 ба түүнээс дээш (81-100) үнэлгээтэй суралцаж буй 20-25 насны суралцагчид байх гэсэн шаардлагыг тавьж байна. Энэхүү шаардлагыг хангасан тохиолдолд дараах материалуудыг бүрдүүлэн ирж бүртгүүлэх нь. Үүнд:
- Өргөдөл
- Иргэний үнэмлэхний хуулбар, үнэмлэхний хамт
- Ерөнхий боловсролын гэрчилгээ
- Суралцаж буй их, дээд сургуулийн тодорхойлолт
- Суралцаж буй их, дээд сургуулийн дүнгийн баталгаат хуулбар
- Хэрэв дээд боловсрол эзэмшсэн бол дипломын баталгаат хуулбар
- Цээж зураг 4*6 хэмжээтэй 4ш
- Оршин суугаа газрын тодорхойлолт
- Гурван үеийн намтар
- Сургалтын төлбөрийн барьцаанд тавих үл хөдлөх хөрөнгийн гэрчилгээний хуулбар /Шалгаруулалтад тэнцсэн тохиолдолд эх хувийг авчрах/
- Бүртгэлийн хураамж 50,000 /тавин мянга/-н төгрөг.
Уг шалгалтыг 2015 оны эхээр зохион байгуулагдахаар бүртгэл хийгдсэн боловч тодорхойгүй хугацаагаар хойшлогдоод байсан гэнэ. Тиймээс өмнө нь бүртгүүлсэн бол банкинд бүртгэлийн хураамж төлсөн иргэд баримттайгаа ирж бүртгэлээ баталгаажуулж болох гэнэ.
Санал болгох
Сонин хачин
Уншиж байна ...