Хууль зүйн шинэ сайд Д.Дорлигжав албан тушаалын цолыг хүчингүй болголоо
- schedule 2015 оны 3 сарын 23
- chat_bubble 0
УИХ-ын гишүүн Х.Тэмүүжин Хууль зүйн сайдаар томилогдсоныхоо дараа тушаал гаргаж, цагдаагийн цолыг албан тушаалын цол болгосон. Ингэснээр, жишээлбэл, хошууч цолтой хүн хурандаа цолтой албан тушаалд томилогдвол шууд хурандаа цолтой болох, хурандаа цолтой хүн албан тушаалаа өөрчилж, дэслэгчийн ажлын байранд очвол шууд дэслэгч цолтой болох журмаар явж байсан юм. Энэхүү журамд цагдаагийн алба хаагчид ихээхэн таагүй хандаж байсан.
Тэгвэл Хууль зүйн шинэ сайд Д.Дорлигжав албан тушаалын цолыг хүчингүй болголоо. Энэхүү тушаал өнөөдрөөс хэрэгжиж эхэлж байгаа бөгөөд ингэснээр албан тушаалын цолоор цол ахисан хүмүүс бүгд цолоо хураалгаж, хуучин цолоо зүүж эхлэх талаар цагдаагийн байгууллагын эх сурвалж онцоллоо. Тэгэхээр өнөөдөр албан тушаалд томилогдож цол авсан хүмүүс хуучин цолоороо үлдэж, харин ажлын байр, албан тушаалаасаа болоод цолоо бууруулсан хүмүүс эргэн цолоо сэргээж эхлэх юм.
Санал болгох
Сонин хачин
Уншиж байна ...