“Монголын залуучуудын нэгдсэн нам”-ыг бүртгэхээс татгалзав
- schedule 2015 оны 3 сарын 23
- chat_bubble 0
Ийнхүү гуравдугаар сар гарсаар хоёр ч нам байгуулах хүсэлтэд Улсын Дээд шүүхээс татгалзсан хариу өглөө.
“Монголын залуучуудын нэгдсэн нам”-ыг улсын бүртгэлд бүртгүүлэх тухай Б.Баттулга нарын хүсэлтийг Улсын Дээд шүүх 2015 оны 3 дугаар сарын 20-ны өдөр хянан хэлэлцжээ. Хүсэлтэд хавсаргасан баримт, дүрэм, мөрийн хөтөлбөр болон ирүүлсэн бусад материал нь Улс төрийн намын тухай хуульд заасан шаардлагыг бүрэн хангаагүй гэж үзэж, Дээд шүүх уг намыг улсын бүртгэлд бүртгэхээс татгалзсан байна.
Ийнхүү бүрдүүлэх материал дутуугаас энэ сард л гэхэд хоёр нам байгуулах хүсэлтийг буцаагаад байна. Уншигч та санаж байгаа бол одоогоос яг хоёр долоо хоногийн өмнө “Монголын Хүний Төлөө Нам”-ыг улсын бүртгэлд бүртгүүлэх тухай Х.Бат-Ялалт нарын хүсэлтийг Улсын Дээд шүүх 2015 оны гуравдугаар сарын 13-ны өдөр хянан хэлэлцээдУлс төрийн намын тухай хуульд заасан зарим шаардлагыг хангаагүй гэж үзэн буцаасан билээ. Ийнхүү сонгууль дөхөх тусам шинээр нам байгуулахыг хүсэгчид олон болох нь.
Санал болгох
Сонин хачин
Уншиж байна ...