Энэтхэгт элэг шилжүүлэн суулгах хагалгааг 40-60 мянган ам.доллараар хийдэг
- schedule 2013 оны 8 сарын 8
- chat_bubble 1
Энэтхэгийн Дели хотын “Сир Ганга Рам” эмнэлгийн элэг шилжүүлэн суулгах тасгийн эрхлэгч, профессор Намиш Мехта удахгүй Монголд ирж сургалт явуулж, үзлэг хийж, зөвлөгөө өгөх гэж байна. Энэ ажлыг зохион байгуулж буй Ц.Одгэрэл эгчтэй холбоо барьж зарим зүйлийг тодрууллаа.
-Профессор Намиш Мехта хэзээ ирж, хаана үзлэг, шинжилгээ хийх юм бол?
-Энэ сарын 22-нд ирэх төлөвлөгөөтэй байгаа. Эхний өдөр хавдар судлалтай хамтран эмч нарт сургалт явуулна. Харин 23-25-ны өдрүүдэд иргэдэд үнэгүй зөвлөгөө өгнө.
-Зөвлөгөө авах хүсэлтэй иргэд чухам ямар бичиг баримт бүрдүүлэх шаардлагатай бол..?
-Юуны түрүүнд зөвлөгөө авах гэж байгаа хүмүүс элэгний онош, тест, шинжилгээ, эхо, рентгэн гээд бүх материалаа авчирах хэрэгтэй. Хүмүүсийн өвчний түүхийг судлан хүн бүрт тохирох эмчилгээг нь зааж, хэлж өгнө.
-Хүний тоо хязгаарттай юу?
-Яг тэд, эд гэсэн юм байхгүй. Болж өгвөл ирсэн бүх хүнийг хамруулахыг хичээнэ. Одоогоор цагийн хуваарь нь тодорхойгүй байгаа. Тэр үед нь хэлж болно.
-Өнгөрсөн жил “Сир Ганга Рам” эмнэлэгт манай улсын 15 хүн элэг шилжүүлэн суулгах мэс засалд орж эрүүл саруул болсон гэсэн. Хэрвээ элэг шилжүүлэн суулгах шаардлагатай гэвэл төлбөр нь хэд болох бол?
-Энэтхэгийн анагаах ухаан дэлхийн түвшинд хөгжсөн, дээр нь үнэ төлбөр нь хамаагүй хямд учир дэлхийн аль ч улсаас хүмүүс ирдэг. Хэрвээ элэг шилжүүлэн суулгах эмчилгээ хийлгэх бол 40-60 мянган ам.доллар буюу монгол мөнгөөр бодоод үзвэл 60-80 сая төгрөг болно. Харин замын зардлын хувьд хоёр талдаа 1,5 сая төгрөг шаардагдана. Эмч нарын чадварт эргэлзэх хэрэггүй. Маш ур чадвартай, олон улсын стандартад нийцсэн дэвшилтэт технологийг ашигладаг учир Ази төдийгүй Америк, Европоос хүмүүс ирж хагалгаа хийлгэдэг.
-Манай улсад элэгний хорт хавдартай, эмчилгээгүй гэсэн олон хүмүүс байдаг. Тэгвэл эмчилгээгүй гэсэн хүнд элэг шилжүүлэн суулгаж болох уу?
-Бид эмчилгээгүй гэсэн хүнд туслаж, дахин амьдрах боломжийг олгох зорилготойгоор энэхүү эмчилгээг хийдэг.
-Эмчилгээ хийсний дараа ямар нэгэн хүндрэл үүсэх үү?
-Хувь хүнээсээ шалтгаална. Манай монголчууд тос ихтэй хоол, мах их иддэг учраас элэгний өвчнөөр өвдөх нь их байдаг. Тиймээс бид эмчилгээний дараа сар бүр тухайн хүний биеийн байдлын талаар эмчид мэдээллийг өгч байх болно. Мөн хувь хүн өөрөө эрүүл зөв хооллож, аливаа муу зуршлаас хол байх хэрэгтэй.
-Элэг шилжүүлэн суулгах гээд яриад байгаа. Тэгвэл элэг шилжүүлэн суулгахад хамгийн гол нь донор хэрэгтэй шүү дээ..?
-Тусгай донор хүн гэж байдаггүй. Харин өөрийн гэр бүл болон найз нөхдөөсөө донор олж болно.
-Тэгэхээр донор болох хүн ямар шаардлага хангасан байх ёстой вэ?
-Ер нь бол вирус, үрэвслийг эрт оношилж эмчлэх хэрэгтэй. Энэ нь тодорхой хугацааны дараа цирроз, хавдар болдог. Тиймээс донор болох хүний цусны бүлэг тохирсон, элэг эрүүл, өөхлөлтгүй, биеийн эрүүл мэнд маш сайн байх ёстой. Донор болох хүн өөрийн хүслээр элэгнийхээ тодорхой хэсгийг өгдөг. Элэг маш сайн нөхөн төлждөг учир гурван сарын дараа эргээд хэвийн хэмжээндээ орно. Бид аль болох хүмүүст амьдрал хайрлахын тулд хичээх болно. Учир нь олон олон хүмүүс энэ өвчнөөс болж хайртай хүмүүсээ алдаж байна. Нэмж хэлэхэд бид зуучлалын хөлс гэж авахгүйгээр энэтхэгийн эмнэлэгт зуучилна. Мөн ганцхан элэг гэхгүй бөөр, өвдөг шилжүүлэн суулгах, зүрх судас, нүд, үргүйдэл зэргийг эмчилнэ.
-Шилжүүлэн суулгасан элэг хэдий хугацааны дараа “өөрийн” болох вэ?
-Хувь хүн өөрөө сайн гам бариад эмчийн зөвлөгөөг дагаад явбал 5-6 сарын дотор ямарч өөрчлөлтгүй өөрийн элэг шиг болох болно. Гэхдээ эмчээсээ сайн асууж лавлах хэрэгтэй. Энэ эмчилгээг гадаадад 1960-аад оны үеэс хийж эхэлсэн гэдэг. Эмчилгээ хийлгэсэн хүмүүс бүгд л урт насалсан гэдэг юм билээ.
-Танд баярлалаа. Уншигчид маань та бүхэнтэй холбоо барихыг хүсч байж мэдэх юм. Тэгвэл..?
-Бидэнтэй холбоо барих бол 9909-8250 утас руу залгаарай. Kanvas Mongolia хаягаар facebook-ээр холбогдож болно.
Санал болгох
Сонин хачин
Уншиж байна ...