"Оюу Толгой" бүлэг ордуудынхаа нөөцийг шинэчлэн тогтоожээ
- schedule 2014 оны 10 сарын 22
- chat_bubble 0
“Оюу Толгой" компани бүлэг ордуудынхаа нөөцийг шинэчлэн тогтоож, Эрдэс баялгийн мэргэжлийн зөвлөлөөр хэлэлцүүлэн, баталгаажуулсан байна. Оюу толгойн бүлэг ордуудын Оюут, Херуга болон Хойд Хюго хэсгүүдэд 2009-2014 он хүртэл хугацаанд хийсэн хайгуулын ажлыг үр дүнд ордын геологийн нөөцийг шинэчлэн тооцоолж, баталгаажуулжээ.
Үүнд "Оюу толгой"-н бүлэг ордын геологийн нийт нөөцөд зургаан тэрбум 473.8 мянган тонн хүдэр байгаа бол 44 сая 495 мянган тонн зэс, 1914 тонн алт, 11939 тонн мөнгө, 205 мянган тонн молибден агуулагдаж байгаа гэж тооцоолжээ. Харин 2010 оны гуравдугаар сард батлагдсан "Оюу толгой"-н ТЭЗҮ-д ордын үр ашигтай буюу олборлолтын нөөц нь гурван тэрбум 380 сая тонн хүдэр гэж заасан байдаг аж. Харин нөөцийн тодотголоор нийт геологийн нөөцөөс уурхайн ерөнхий төлөвлөгөөнд орсон эдийн засгийн ач холбогдолтой хүдрийн хэмжээ гурван тэрбум 525 сая тонн гэж тооцоолжээ.
Үүнд 25 сая 614 мянган тонн зэс, 867.4 тонн алт, 6072.8 тонн мөнгө, 63 мянга 49 тонн молибден багтаж байна. Энэхүү нөөцөд тулгуурласан эдийн засгийн урьдчилсан үндэслэлээр төслийн өнөөгийн цэвэр үнэ цэнэ зургаан тэрбум 10 сая ам.доллар байгаа төдийгүй эхний хөрөнгө оруулалтаа нөхөх хугацаа есөн жил байх төлөвтэй байна гэж Эрдэс баялгийн мэргэжлийн зөвлөлд танилцуулжээ. Үнэ цэнийн тооцоог гаргахдаа урт хугацаанд зэсийн үнэ нэг паунд нь 3.08 ам.доллар, алтны үнэ унци тутамдаа 1274 доллар байна гэж үзсэн байна. Мөн мөнгөний үнэ унци нь 21.46 доллар, молибдений үнэ паунд тутамдаа 12.42 доллар байх таамгаар тооцоолол хийжээ.
Санал болгох
Сонин хачин
Уншиж байна ...