МУГЖ Г.Ариунбаатар олон улсын наадамд тэргүүн байр эзэллээ
- schedule 2014 оны 10 сарын 21
- chat_bubble 0
Улсын Филармонийн дуучин, Гавьяат жүжигчин Г.Ариунбаатар дахин ОХУ-Д болсон олон улсын дуурийн наадмын тэмцээний тэргүүн байрыг эзэлж, Монголынхоо нэрийг дэлхийн тавцанд гаргалаа.
Тэрбээр энэ удаад 1600 гаруй дуучид оролцсон ЗХУ-ын Ардын жүжигчин, дэлхийн нэрт дуучин Муслим Магомаевын нэрэмжит олон улсын дуурийн дуучдын 3-р уралдаанд амжилттай оролцож, Гран-при шагналын эзэн болоод байна.
Г.Ариунбаатар өмнө нь Оросын нэрт хөгжмийн зохиолч М.И.Глиникийн нэрэмжит олон улсын дуурийн дуулаачдын уралдаанд түрүүлж амжилт гаргаж байсан билээ.
Сонирхуулахад, Г.Ариунбаатар ЦЕГ-ын “Сүлд” чуулгын дуучин байсан. Өдгөө Улсын Филармонийн гоцлол дуучнаар ажиллаж байгаа бөгөөд Монголын нэрт хөгжмийн зохиолч, Төрийн хошой шагналт, Ардын жүжигчин Н.Жанцанноровтой хамтран “Монгол сонгодог” тоглолтоо хүргэж байсан билээ.
Санал болгох
Сонин хачин
Уншиж байна ...