НООЛУУРЫН ҮНЭ ХАНШ ОБЕГ: ЦАХИЛГААНЫ УТАС, АГУУЛАХЫН ӨРӨӨ ШАТАЖ БАЙСАН ГАЛЫГ БҮРЭН УНТРААСАН МОНГОЛ ГЕРМАН УЛСАД 100 МЭРГЭЖИЛТНЭЭ БЭЛТГЭНЭ ОН ГАРСААР 149 ХҮҮХЭД ЗАМ ТЭЭВРИЙН ОСОЛД ӨРТЖЭЭ ОЙРЫН ӨДРҮҮДЭД ЦАСАН ШУУРГА ШУУРНА

ОУХМ Д.Сумьяа медалийн төлөө өрсөлдөхөөр шалгарч МУГТ С.Ням-Очир, Х.Цагаанбаатар нар тэмцээнээ өндөрлүүллээ

2014 оны 8 сарын 27
0

ОХУ-ын Челябинск хотноо болж буй жудо бөхийн ДАШТ-ний гурав дахь /2014.08.27/ дахь өдөр эрэгтэйчүүдийн 73 кг, эмэгтэйчүүдийн 57 кг-ийн жингийн барилдаан боллоо. Эдгээр жингүүдэд манай улс найдлага тавьж байгаа тамирчид зодоглолоо.

77 кгдМУГТ Сайнжаргалын Ням-Очир, МУГТ Хашбаатарын Цагаанбаатар, 57 кг-д ОУХМ Доржсүрэнгийн Сумьяа нар барилдсан. Гэвч хармсалтай нь эрэгтэйчүүд 3-р тойрогт тус тус ялагдсан бол Д.Сумьяа хэсгийн аварга болсноор медалийн төлөө өрсөлдөхөөр боллоо.

Эрэгтэй 73 кг-д

МУГТ Сайнжаргалын Ням-Очир А хэсэгт багтан 1-р тойрогт гоц мөргөсөн. 2-р тойрогт Канадын Этейнне Бриандийг ялаад, 3-р тойрогт харамсалтай нь Японы Шохей Онод /дэлхийн аварга/ ялагдлаа.

МУГТ Хашбаатарын Цагаанбаатар 1-р тойрогт гоц мөргөсөн. 2-р тойрогт Киргизийн Руслан Жанебек Улуг ялаад, 3-р тойрогт ОХУ-ын Муса Могушковд /Дэлхийн хүрэл/ ялагдснаар тэмцээнээ өндөрлүүллээ.

Энэ жингийн медалийн төлөө хагас шигшээд Казахын Юртуган Торенов - БНАСАУ-ын Ньюн Кук Хон, Японы Рики Накаяа /Дэлхийн аварга Олимпийн мөнгө/ - Эмиратын Виктор Скротов /Молдов улсын нэрээр барилддаг байсан/ нар таарч үлджээ.

Эмэгтэй 57 кг

С хэсэгт барилдсан Доржсүрэнгийн Сумьяа 1-р тойрогт гоц мөргөсөн. 2-р тойрогт Изриалийн Камила Минкаваг, 3-р тойрогт Унгарын Хедвиг Каракасыгялж хэсгийн аваргын төлөө өнгөрсөн жилийн дэлхийн аварга Бразилийн Рафеала Силваг барилдан яллаа.

Ингэснээр орой медалийн төлөө хагас шигшээд дэлхий 3 мөнгө 1 хүрэл медальт Португалийн Тельма Монтейротой барилдахаар боллоо. Ялсан тохиолдолд Японы Най Удака, Францын Аутомне Павиа /Олимпийн хүрэлтэй/ хоёрын ялсантай аваргын төлөө барилдана.