Газар өмчлөх цахим бүртгэл дуусахад 7 хоног үлдлээ
- schedule 2014 оны 8 сарын 8
- chat_bubble 0
НИТХ-аас баталсан гэр бүлийн хэрэгцээний зориулалтаар иргэнд өмчлүүлэх газрын 52 байршлаас эхний ээлжинд Баянзүрх дүүргийн 20 дугаар хороо Хожуулын аманд 909 иргэнд, Сонгинохайрхан дүүргийн 21 дүгээр хорооны Соёондын ам 4189 иргэнд, Хан-Уул дүүргийн 12, 13 дугаар хороонд байрлах Эрдэнэтолгойд 869 иргэнд, Багануур дүүргийн 4 дүгээр хороо Тариан булагийн 1-р хэсэг 7504 иргэнд, Баганхангай дүүргийн 2 дугаар хороо Бор-Үзүүрт 1 483 иргэнд газар өмчлүүлэхээр хүсэлтийг цахим хэлбэрээр авч эхэлсэн. Эдгээр байршилд нийт 1524 га газрыг 14 954 иргэнд өмчлүүлнэ. 2014 оны наймдугаар сарын 1-нээс эхэлсэн цахим бүртгэл 2014 оны наймдугаар сарын 15-ны 12:00 цагт тасалбар болно. Сонгон шалгаруулалтад оролцогч www.umch.ub.gov.mn цахим хуудсаны холбогдох хэсэгт хандна.
Нийслэлийн хэмжээнд анх удаа газар өмчлөх эрхийг цахимаар олгох ажлыг зохион байгуулж байгаа учраас цахим бүртгэлтэй холбоотой олон асуулт, эргэлзээ иргэдийн дунд байгаа юм. Тиймээс иргэдээс ирүүлж байгаа нийтлэг асуултуудын хариултыг Нийслэлийн Хэвлэл мэдээлэл, олон нийттэй харилцах хэлтсээс ирүүлснийг тоймлон танилцуулж байна.
-Түрүүлж бүртгүүлсэн хүн газартай болох уу, давуу эрхтэй болох уу?
-Түрүүлж бүртгүүлсэн хүн газартай болон давуу эрхтэй болно гэсэн үг биш юм. 2014 оны наймдугаар сарын 15-ны дотор бүртгүүлсэн нийт өргөдөл дунд санамсаргүй сонгон шалгаруулалт явуулан сонгогдсон иргэд газар өмчлөх эрхтэй болно.
-Баталгаажуулах код утас болон э-майл хаягт ирэхгүй байна?
-Баталгаажуулах код утас болон э-майл хаягт ирэхгүй байх нь систем ачаалалтай байгаатай холбоотой. Хэсэг хугацааны дараа очих болно.
- Баталгаажуулах код ерөөсөө ирэхгүй буюу устгасан бол яах вэ?
-Хэрэв та баталгаажуулах кодоо устгасан эсвэл ирэхгүй байгаа бол санаа зовох хэрэггүй юм. Өргөдөл илгээсэн /өргөдлөө баталгаажуулаагүй/ ба өргөдөлөө баталгаажуулсан хүмүүс цахим систесмийн баазад харагдах бөгөөд өргөдөлөө баталгаажуулж чадаагүй хүмүүс рүү дахин баталгаажуулах код явуулах болно.
- Баталгаажуулах кодоо хэрхэн баталгаажуулах вэ?
- Кодтой хамт код баталгаажуулах хаяг /линк/ мессежээр очно. Уг хаягаар орон баталгаажуулна.
- Утасны дугаараа буруу хийсэн болон мессеж хүлээн авах боломжгүй дугаараар бүртгүүлсэн бол яах вэ?
-315334 утасруу холбогдож дугаараа солиулах боломжтой.
-Одоо зарлагдсан таван байршилд бүгдэд нь хүсэлт гаргаж болох уу?
-Болохгүй. Зөвхөн нэг л байршилд хүсэлт гаргана.
-Өргөдлөө устгаж болох уу?
-Болно. ӨХГ-ийн 315334 утас руу холбогдож устгуулна.
-Сонгосон байршлын гудамж хашааны дугаарыг сонгох уу?
-Сонгохгүй зөвхөн байршлаа сонгоно. Гудамж хашааны дугаарыг сонгон шалгаруулалтаар автоматаар сонгоно.
- Е-мэйл хаягаа хийхээр буруу байна гэж гарч ирээд байна яах вэ?
-Windows-ийн үндсэн үйлдлийн системийн фонтийг ашиглаж алдаагүй зөв бөглөнө. Monkey, МАК гэх мэт бусад фонт солидог программ ашиглаж бичвэл хүлээн авахгүй.
-Итгэмжлэгдсэн төлөөлөгч дээр хэнийг оруулж болох вэ?
-Гэр бүлийн гишүүдийн хэн нь ч байж болно.
-Утасны дугаар болон е-мэйл хаягаа дахин ашиглаж болох уу?
- Болно.
-РД-ийн дугаараа хийхээр та газар өмчилсөн байна гэж гарч ирээд байна. Өмнө нь газар өмчилж байгаагүй бол яах вэ?
-НӨХГ газар өмчлөл, өмчийн менежментийн хэлтэст ирж шүүлгэнэ.
- Ам бүлээрээ нийлээд нэг газарт хамтад нь өмчилж авч болох уу?
-Болохгүй. Программ автоматаар сонгоно.
-Баталгаажуулах код нь сүүлд ирээд кодны цонх нь дахин гарч ирэхгүй байна яах вэ?
-Баталгаажуулах кодтой хамт линк очиж байгаа линкээр нь орж кодоо хийнэ.
-Дараагийн зарлагдах байршилуудад дахин өргөдөл бөглөх үү?
- Үгүй. Тухайн зарлагдсан үед нь мессэжээр ирсэн линк болон баталгаажуулах кодоо ашиглан бүртгүүлнэ.
- Баталгаажуулах кодоо хийхээр алдаа заагаад байна яах вэ?
-Мессэжээр очсон хаяг /линкээ/ сайн шалгаж зөв хийх хэрэгтэй.
-Гадаадад төрсөн хүүхэд газар авч болох уу?
-2013 оны тавдугаар сарын 30-наас өмнө нийслэлийн харьяа болсон бол болно.
Санал болгох
Сонин хачин
Уншиж байна ...