Нохойны үнэ өссөн үү?
- schedule 2013 оны 9 сарын 25
- chat_bubble 1
ПЕКИНЕС
Анх зөвхөн Бээжинд, Хятадын императорын ордонд л амьдарч байжээ. Тэр үед хэрэв бусад хумүүс түүнийг тэжээвэл цаазаар аваачдаг байв. Энэ нохойг хятадууд маш их шүтдэг байсан ба нэг удаа бүр “Буддагийн хойд дүр” гэж өргөмжилжээ. 1896 онд Хятадын императорын ордонг дайрах үед үнэт нохдоо дайсны гарт өгөхгүйн тулд хатан хаан “бүгдийг ал” гэж тушаасан ч англичууд азаар тавыг нь амьд авч үлджээ.
Хэмжээ: 15-25 см өндөр, дундаж жин 4 кг.
Давуу тал: хөгжилтэй, бие даасан, бусдаас хамааралгүй, шонтгор хамартай
Сөрөг тал: нүд нь дандаа өвддөг, бяцхан луу шиг л хүрхэрч байдаг.
Үнэ: 100-300$
ЧИХУАХУА
Хорвоогийн хамгийн жижигхэн нохой. Эртний Мексикт түүнийг “гэр бүлийн аз жаргалын билэг тэмдэг” гэж үздэг байв. Тэдгээрийн дүрс бүр инкуудын булш бунханд ч байдаг. 1890 онд Мексикийн ерөнхийлөгч энэ үүлдрийн нохойг алдарт дуучин бүсгүй Ангелина Паттид бэлэглэснээр Европод таржээ.
Хэмжээ: 18-23 см өндөр, дундаж жин 1кг хүртэл.
Давуу тал: сэтгэл догдлуулам өхөөрдөм хөөрхөн, ичимхий, гэмгүй. Яг муур шиг элсэн дээр ялгадсаа гаргадаг.
Сөрөг тал: хэрэв алдчихвал олдоно гэж үгүй, шинийг худалдаж авахаас аргагүй.
Үнэ: 200-500$
ТОЙТЕРЬЕР
Англичууд харх бариулах гэж анх энэ үүлдрийг гаргаж авчээ. Нүцгэн буюу английн мөн урт үстэй буюу москвагийн гэж ангилдаг.
Хэмжээ: 25-ЗО см, дундаж жин З кг
Давуу тал: хөгжилтэй, цовоо, дайчин, их зоригтой, дуу чангатай. Арчлахад төвөггүй, арчилгаа сайн бол удаан амьдардаг. (16 нас хүртэл)
Сөрөг тал: эзнийхээ орон дээр унтах дуртай, өөрийн нь хэвтшинд унтах гэсэн бүхнийг хурц шүдээрээ хазчихаж мэднэ.
Үнэ: 200-400$
ФОКСТЕРЬЕР
Нүхнээс ан хийх зорилгоор 18 дугаар зууны үед Англид энэ үүлдрийг гаргаж авсан. Анчид эдгээр нохдыг эмээл дээрээ, сагсанд хийн авч явдаг байв. Энэ нохой ойр байгаа жижиг амьтад болох хулгана, харх, сохор номин, мэлхийг дор нь устгадаг.
Хэмжээ: 34-39 см, дундаж жин 8 кг
Давуу тал: аймшиггүй, тэсвэртэй, үнэнч, сургахад хялбар
Сөрөг тал: нэлээд догшин, их өндөрт харайдаг, бараг унтаж байхдаа ч үржиж олширч байдаг гэж болно.
Үнэ: 100-300$
ФРАНЦ БУЛЬДОГ
Английн жижиг бульдогоос гаралтай, Францад Английн ажилчид үйлдвэрлэлийн хувьсгалын үед авчирсан ба Парижийн янхнуудын дуртай нохой болжээ. Харин 19 дүгээр зууны сүулээр моодонд орж, дараа нь францын хөрөнгөтөн нарын билгэ тэмдэг болон хувирчээ.
Хэмжээ: 25-34 см, дундаж жин 11 кг.
Давуу тал: инээмсэглэж чаддаг
Сөрөг тал: чанга хурхирдаг
Үнэ: 150-300$
ТАКСА
Германд 18 дугаар зууны үед нүхэнд ан хийх зорилгоор гаргаж авсан үулдэр. Хамгийн ухаантай нохой гэж тооцдог. Их хүчтэй, маш зальтай, түүнийг эрхэндээ оруулж захирна гэж үгүй, зөвхөн зөвшилцөж, тохиролцож болно.
Хэмжээ: 12-22 см, дундаж жин хэвийн нь 9 кг, одой ноход- 5 кг, молтогчин туулайн чинээ нь З кг.
Давуу тал: их хөгжилтэй, ухаалаг, хүн шиг байхыг бүх чадлаараа хичээдэг ,
Сөрөг тал: нэг мэдэхэд гэр бүлийн хүмүүсийг бүгдийг захирчихдаг, хуүхдэд дургүй, өвдтөл хаздаг, сав л хийвэл нуруугаа хугалчих гээд байдаг
Үнэ: 300-600 $
КСОЛОЙТЦКУИНТЛИ /МЕКСИКИЙН НҮЦГЭН НОХОЙ/
Энэ нохой нүв нүцгэн, яг хүн шиг хөлөрдөг, өвөл халаалт салгачихвал хөлдөж үхэж ч мэднэ, бас зуны наранд түлэгдчих аюултай. Шүднийх нь тал нь байхгүй. Бусад нохойны биеийн хэм +38.5 байхад түүнийх +41 хэм. Хуцаж ч чадахгүй, өрөвдөлтэй гонгинодог.
Хэмжээ: 45-50 см өндөр, дундаж жин 14 кг.
Давуу тал: мах иддэггүй, эзэндээ халуун жинг орлож чадна.
Сөрөг тал: онцгүй төрхтэй, амьд байгаа эсэхийг нь үргэлж шалгамаар санагддаг.
Үнэ: 500-1500$
МОПС
Хятадаас гаралтай, Европод 1688 онд хатан хаан гэр бүлийн гишүүд авчирсан. Хатан хаан Виктория 36 ийм нохойтой байжээ. Дээдсийн хүрээлэнгийн сурвалжит хатагтай нар энэ нохойд сүйд болдог байв. Яагаад гэвэл хамгийн царай муутай эмэгтэй ч энэ нохойн дэргэд үзэсгэлэн төгс харагддаг.
Хэмжээ: 25-ЗО см, дундаж жин 7 кг
Давуу тал: сайхан ааштай, дэндүү муухай амьтан болохоор хүндэтгэмээр санагддаг.
Сөрөг тал: чанга хурхирдаг
Үнэ: 100-250$
КОКЕР-СПАНИЕЛЬ
Эртний анч энэ нохой.бүх талаараа гарамгай. Тэр хэзээ ч цаддаггүй, цадах мэдрэмжгүй учраас өөрөө идүүлчихээгүй л бол бүхнийг идсээр байдаг. Сүүлээ их хавчдаг, дэлхийн хамгийн хазамтгай нохой, хүн рүү хэзээ ч өөрөө эхлээд дайрахгүй, харин өөрийг нь гомдоовол хаздаг. Маш гомдомтгой нохой.
Хэмжээ: 38-41 см, дундаж жин 13 кг,
Давуу тал: аятайхан, анх харахад гэмгүй, бас уйтгарлах дуртай
Сөрөг тал: шууд л эзнийхээ хүзүүн дээр мордож авах гэдэг. Гадуур зугаалах үедээ бөөн өргөс ноос болчихдог. Хазвал их өвтгөдөг.
Үнэ: 50-300$
ТОЙПУДЕЛЬ
Энэ нохойг харахад яг энгийн, пудель шиг гэхдээ маш жижигхэн биетэй.
Хэмжээ; 25-35 м, дундаж жин 5 кг
Давуу тал: цовоо сэргэлэн, эзэндээ шаахай, сонин болон гүйцэд алаагүй муураа ч авчирч өгдөг.
Сөрөг тал: ганган хүүхнээс ч олон удаа түүнийг угааж арчлах, самнах шаардлагатай.
Үнэ: 60-300$
ЙОРКШИРСКИЙ ТЕРЬЕР
Ёстой там. Өдөр болгон үсийг нь самнаж, ноос үсийг нь тусгай тосоор тосолж ороох хэрэгтэй, бас шампуньтай усанд оруулж, сэнсээр хатаахгүй бол болохгүй.
Хэмжээ: 20-23 см, дундаж жин З кг
Давуу тал: идэвхтэй, харахад чамин бөгөөд дайсан руугаа чанга хуцдаг.
Сөрөг тал: 3 нялх хүүхдээс ч их арчилгаа шаарддаг. Бас элдэв тууз зүүлт, хувцасаар гоёх хэрэгтэй болно.
Үнэ: 600-5000$
МАЛЬТИЙН БОЛОНК
Маш эртний үүлдэр, бүр манай эринээс ч өмнө үүссэн. Апостал Павелын үед Мальт дахь Римийн удирдагч Публияд байсан “Исса” нэртэй болонк нохой. Манай эриний 38 онд амьдарч байсан яруу найрагч Марк Валерий Марциал ийм шүлэг зохиожээ :”Исса Катулл болжмороос ч цовоо сэргэлэн, Исса тагтааны үнсэлтээс ч цэвэр, Исса онгон бүсгүйгээс ч энхрий, Исса Энэтхэгийн эрдэнэсээс ч үнэтэй”.
Хэмжээ: 20-25 см, дундаж жин З кг
Давуу тал: сайхан ааштай, хөгширтлөө тоглосоор л байдаг
Сөрөг тал: цагаан учраас дороо л хар болчихно, өдөр бүр угааж, үсийг самнаж, тальк цацах шаардлагатай.
Үнэ: 200-600$
ЛЕВРЕТКА /ИТАЛИЙН БОРЗАЯ/
Бүр эртний Египетэд үржүүлж байсан. 18 дугаар зуунд түүгээр загвардах нь оргил үедээ хүрсэн. Дипломат зорилгоор ашиглаж, эзэн хаад бие биедээ бэлэглэдэг байв. Тэр бол Римийн пап ламыг хазаж чадсан цорын ганц нохой.
Хэмжээ: 32-З см, дундаж жин 5 кг
Давуу тал: тэсвэртэй, сайхан ааштай, зоригтой, үсэрхэг биш
Сөрөг тал: сав л хийвэл чичирч байдаг
Үнэ: 250-500$
Санал болгох
Сонин хачин
Уншиж байна ...