Та бидний мэдэх бас мэдэхгүй "Лада" -1
- schedule 2014 оны 1 сарын 29
- chat_bubble 1
1980-аад оны сүүлээр 90-ээд оны эхэн үед “ах нар”-аас нэг шинэ загварын машин орж ирсэн. Тэр машин хөнгөн шингэн, хурдан гэж жигтэйхэн. Энэ суудлын машин Москвич, Волга машинуудын хажууд маневр, хурд гэж үнэхээр тасархай. Ямар машины тухай яриад байгааг та шууд ойлгосон. Тиймээ энэ бол Жигули буюу Лада.
Манайхан Лада 01, 02, 03 ,04 гээд ярьдаг. Харин “өндгөн тулгуур” нь жаахан асуудалтай байсан байх. Жаахан муудаад ирэхээрээ зам дээр мултраад зогсож байгаа тохиолдол мэр сэр байсан. Бас туулах чадвар сайтай Нива загварыг сайн мэднэ. Манайхан Лада 01-ээс 07, Лада Нива загварыг оруулж ирж байсан учир мэдэх байх. Түүнээс хойшхи загваруудыг мэдэхгүй. Тэгвэл эдгээр машинуудыг ЗХУ /ОХУ/-ын АвтоВАЗ компани үйлдвэрлэдэг байна.
1966 онд ЗХУ, Итали улстай хамтын ажиллагаа өргөжүүлж хөнгөн тэрэг үйлдвэрлэх нэгэн үйлдвэрийг Волга мөрний эрэг дээр нэгэн хотод байгуулж Во́лжский автомоби́льный заво́д (ВАЗ) нэрлэжээ. Харин хотыг сонгохдоо хуучны Ставрополь нэртэй байгаад 1964 онд Италийн коммунист намны лидер Толья́тти нэрээр нэрийг өөрчилсөн хотыг сонгосон байна.
1971 оноос АвтоВАЗ гэж нэрлэх болсон байна. Улмаар ЗХУ болон зүүн Европдоо хамгийн том автомашины үйлдвэр болсон байна. Харин одоо Францын Рено групп 25 хувийг нь эзэмшдэг гэнэ. АвтоВаз компани нь 70 мянга орчим ажиллагсадтай, 2012 онд 29.1 тэрбум рублийн ашигтай ажиласан байна.
Анхны машинаа 1970 оноос Италийн FIAT группын лицензээр FIAT-124 загвар дээр суурилан ВАЗ-2101 буюу Жигули загвараа гаргаж эхэлжээ. Улмаар загвараа сайжруулан дэлхий дахинд “ЛАДА” нэрээр танигдсан брэндтэй болж чаджээ.
Ингээд АвтоВАЗ үйлдвэрийн “Лада” машинуудтай танилцая.
Лада машины үндэс суурь болсон FIAT-124 загвар. Энэ загварыг Италид 1966-1974 онуудад үйлдвэрлэсэн.
Бас Fiat 124 загварыг Испанид SEAT-124 нэртэйгээр 1968-1980 он хүртэл лицензээр үйлдвэрлэж байжээ.
ВАЗ-2101 буюу Жигулиг 1970-1988 он хүртэл үйлдвэрлэсэн. Энэ машин нь 1.2-1.3 л-ийн багтаамжтай хөдөлгүүртэй 4 хаалгатай, 4 араа бүхий механик хурдны хайрцагтай, 4 м урт, 1.6 м өргөн, 1.4 м өндөр 955 кг жинтэй байжээ. /"Лада"-ийн бараг бүх загваруудын урт, өндөр, өргөн, жин нь ойроцоо/ Цагт 145 км/цаг хурдлах чадвартай, 100 км хурд авахад 20 секунд зарцуулдаг.
Социалист орнуудаас гадна ХБНГУ, Франц, Англи, Авмтри, Швейцарь, Египт, Нигери зэрэг улсуудад экспортлож байсан. Такси загвар нь Куба, Тринадад экспортлогдож байжээ.
Энэ загвар нь 14 орон оролцсон баруун болон зүүн Европыг дамнасан 14 мянган км-ын “Тур Европы-71” авто ралли уралдаанд гурван баг оролцоод мөнгөн цом авч байсан бол “Тур Европы-73” уралдаанд алт, мөнгөн цомуудыг авч байжээ.
Энэ загварыг бас Лада 1200, Лада 1200С, Лада 1300 гэж нэрлэдэг байна.
ВАЗ-21011, ВАЗ-21013, ВАЗ-21012 /баруун талдаа жолооны хүрдтэй/, ВАЗ-21014, ВАЗ-21016, ВАЗ-21018, ВАЗ-21019, ВАЗ-311, ВАЗ-411/Англид экспортоор гаргадаг/ хувилбаруудтай.
ВАЗ-2102 /Жигули/ 1971-1985 он хүртэл үйлдвэрлэсэн. Энэ нь комби загвар бөгөөд 1.2, 1.3 , 1.5 л-ын моторын багтаамжтай. Цагт 137 км/цаг хурдлах чадвартай, 100 км хурд авахад 23 секунд зарцуулдаг.
Зүүн талдаа жолооны хүрд бүхий ВАЗ-2102, ВАЗ-21021, ВАЗ-21023, баруун талдаа жолооны хүрд бүхий ВАЗ-21022, ВАЗ-2104, ВАЗ-21026 хувилбаруудтай.
ВАЗ-2103 /Жигули/ 1972-1984 он хүртэл FIAT 125 загвар дээр суурилан үйлдвэрлэсэн. Энэ загвар 1.5л /ВАЗ-2103/, 1.3л /ВАЗ-21033/, 1.2 л /ВАЗ-21035/-ын моторын багтаамжтай. Сүүлийн хоёр загварыг нь зөвхөн экспортод зориулан үйлдвэрлэсэн. 12 жилийн хугацаанд 1.3 сая гаруй ВАЗ-2103 үйлдвэрлэсэн байдаг.
4 болон 5 хаалгатай, 4 м урт, 1.6 м өргөн, 1.44 м өндөр 965 кг жинтэй байжээ. Цагт 140 км/цаг хурдлах чадвартай, 100 км хурд авахад 17 секунд зарцуулдаг.
ВАЗ-21031, ВАЗ-21032, ВАЗ-21033, ВАЗ-21035 хувилбаруудтай.
ВАЗ-2104 /Жигули/ 1984-2012 он хүртэл хамгийн удаан хугацааны туршид үйлдвэрлэсэн. 2010 оноос Лада 2104 гэж нэрлэх болсон байдаг. ОХУ, Укриан, Египтэд үйлдвэрлэдэг.
Энэхүү комби загвар нь 5 хаалгатай, 4.1 м урт, 1.62 м өргөн, 1.44 м өндөр 1020 кг жинтэй байжээ. Цагт 125-150 км/цаг хурдлах чадвартай, 100 км хурд авахад 13-25 секунд зарцуулдаг.
ВАЗ-2104 /1984-1994/, ВАЗ-21041 /2000-2004/, ВАЗ-21042, ВАЗ-21043 /1984-2004/, ВАЗ-21044, ВАЗ-21045, ВАЗ-21045Д, зэрэг хувилбаруудтай. Lada Estate, Lada Riva Break, Lada Nova Combi гэж нэрлэдэг.
ВАЗ-2105 /Жигули/ 1979-2010 он хүртэл 1.2, 1.3, 1.5 л-ийн багтаамжтай хөдөлгүүртэй үйлдвэрлэсэн, 1.6 л-ийн багтаамжтай нь тусгай зориулалтаар цагдаа хүчний хэрэгцээнд зориулан үйлдвэрлэгдсэн.
Энэ седан загвар нь 4 хаалгатай, 4.1 м урт, 1.6 м өргөн, 1.44 м өндөр 1160 кг жинтэй байжээ. Цагт 140 км/цаг хурдлах чадвартай, 100 км-т 5.8 л шатахуун зарцуулдаг.
ВАЗ-2105 /1979-1995/, ВАЗ-21051 /1979-1995/, ВАЗ-21053 /1979-2004/, ВАЗ-21054, ВАЗ-21055 /1983-1997/, ВАЗ-21057 /экспортод 1983-1997/, ВАЗ-21058 / экспортод 1983-1997/, тусгай зориулалтын ВАЗ-21059, ВИС-2345 пикап зэрэг хувилбаруудтай. АвтоВАЗ-ын машинуудын хэрэглээний 23 хувийг энэ загварын машин эзэлж байжээ.
2009 онд 178 мянган рублээр зарагдаж байжээ. Экспортод Лада 1300, Лада Салон, Лада Нова, Лада Рива нэрээр гаргаж байжээ. Ойролцоогоор 2 сая тоогоор үйлдвэрлэгдсэн.
ВАЗ-2106 /Жигули/ 1976-2006 он хүртэл 1.3, 1.5, 1.6 л-ийн багтаамжтай хөдөлгүүртэй үйлдвэрлэсэн, 1.6 л-ийн багтаамжтай нь тусгай зориулалтаар цагдаа хүчний хэрэгцээнд зориулан үйлдвэрлэгдсэн.
4 болон 5 хаалгатай, 4.1 м урт, 1.6 м өргөн, 1.44 м өндөр 1145кг жинтэй байжээ. Цагт 154 км/цаг хурдлах чадвартай, 100 км хурд авахад 15секунд зарцуулдаг.
ВАЗ-2106 /1976-2001, 2005/, ВАЗ-21061 /1976-1988/, ВАЗ-21062 /1976-2001/, ВАЗ-21063 /1976-1988/, ВАЗ-21064, ВАЗ-21065 /1990-2001/, ВАЗ-21066, ВАЗ-21067, ВАЗ-21068 зэрэг хувилбаруудтай. Энэ загварын ихэнхийг экспортод гаргаж байжээ. Нийт 4,3 сая тоогоор үйлдвэрлэгдсэн.
ВАЗ-2107 /Жигули/ 1976-2006 он хүртэл 1.3, 1.5, 1.6 1.7, 2.6 л-ийн багтаамжтай хөдөлгүүртэй үйлдвэрлэсэн, 1.6 л-ийн багтаамжтай нь тусгай зориулалтаар цагдаа хүчний хэрэгцээнд зориулан үйлдвэрлэгдсэн. ЗХУ, ОХУ, Укриан, Египтэд үйлдвэрлэж байсан.
4 хаалгатай, 4.1 м урт, 1.6 м өргөн, 1.44 м өндөр 1149кг жинтэй байжээ. Цагт 180 км/цаг хурдлах чадвартай.
ВАЗ-2107 /1982-2004/, ВАЗ-21061 /1976-1988/, ВАЗ-21072 /1982-1995/, ВАЗ-21073 /1991-2001/, ВАЗ-21077, ВАЗ-21078, цагдаагийн зориулалтын ВАЗ-21074, ВАЗ-21079 зэрэг хувилбаруудтай. Энэ загварын 1.7 л-ийн багтаамжтай ВАЗ-21073 загварыг Экспортод Лада 1500, Лада Нова, Лада Рива нэрээр гаргаж байжээ.
2009 онд 192 мянган рублээр зарагдаж байсан байна.
ВАЗ-2108 буюу Самараг /Спутник/ 1984-2003 он хүртэл үйлдвэрлэсэн. Энэ машин нь 3 хаалгатай комби загвар бөгөөд 1.2, 1.3, 1.5 л-ийн багтаамжтай хөдөлгүүртэй. 4 м урт, 1.65 м өргөн, 1.4 м өндөр 915 кг жинтэй байжээ. Цагт 145 км/цаг хурдлах чадвартай, 100 км хурд авахад 14-16 секунд зарцуулдаг.
ВАЗ-2108 /1984-2001/, ВАЗ-21081 /1984-1996/, ВАЗ-21083 /1984-2001/, ВАЗ-21085, ВАЗ-21086, ВАЗ-21087, ВАЗ-21088, ВАЗ-21089, ВАЗ-1706 /пикап/ хувилбаруудтай.
ВАЗ-2108 Самарагийн пикап хувилбар ВАЗ-1706
ВАЗ-2109 буюу Самараг /Спутник/ 1987-2011 он хүртэл үйлдвэрлэсэн. Энэ машин нь 5 хаалгатай комби загвар бөгөөд 1.1, 1.3, 1.5, 1.6 л-ийн багтаамжтай хөдөлгүүртэйгээр ЗХУ, ОХУ, Укриан, Финляндад үйлдвэрлэж байжээ.
4 м урт, 1.65 м өргөн, 1.4 м өндөр 945 кг жинтэй байжээ. Цагт 155 км/цаг хурдлах чадвартай, 100 км хурд авахад 14-16 секунд зарцуулдаг. 100 км-т 6.7-9.6 л шатахуун хэрэглэдэг.
ВАЗ-2109 /1987-1997/, ВАЗ-21091 /1987-1997/, ВАЗ-21093 /1988-2006/, ВАЗ-21093i /1994-1998/ ВАЗ-21096 /1990-1996/, ВАЗ-21098 /1990-1996/, ВАЗ-2109-90 зэрэг хувилбаруудтай.
ВАЗ-21099 буюу Самараг /Спутник/ 1990-2004 он хүртэл ЗХУ, ОХУ-д 1.3, 1.5, 1.6 л-ийн багтаамжтай хөдөлгүүртэйгээр үйлдвэрлэсэн. Харин Укрианд 2004-2011 онуудад үйлдвэрлэж байжээ.
4 хаалгатай, 4.2 м урт, 1.65 м өргөн, 1.4 м өндөр 950 кг жинтэй байжээ. Цагт 155 км/цаг хурдлах чадвартай, 100 км хурд авахад 14секунд зарцуулдаг. 100 км-т 5.9-8.9 л шатахуун хэрэглэдэг. Экспортод Lada Forma, Lada Sagona, Lada Sable, Lada Samara Saloon нэрээр гаргадаг
ВАЗ-21099 /1990-2001/, ВАЗ-21099i, ВАЗ-210993 /1990-2001/ зэрэг хувилбаруудтай.
ВАЗ-2121 буюу Нива. 1977-1994 он хүртэл ЗХУ, ОХУ-д үйлдвэрлэсэн туулах чадвар сайтай 3 хаалгатай 4х4 мини жип. 1.6, 1.7, 1.9 л-ийн багтаамжтай хөдөлгүүртэйгээр үйлдвэрлэсэн. Харин Укрианд 2004-2011 онуудад үйлдвэрлэж байжээ.
1580-1905 см.куб багтаамжтай, 4 цлиндр бензин хөдөлгүүртэй, 3.74 м урт, 1.68 м өргөн, 1.64 м өндөр 1150 кг жинтэй байжээ. Цагт 132 км/цаг хурдлах чадвартай, 100 км хурд авахад 21 секунд зарцуулдаг. 100 км-т 10.8-13.4 л шатахуун хэрэглэдэг.
ВАЗ-21213, ВАЗ-21214, ВАЗ-2130, XUD9 SD гэсэн хувилбартай.
ВАЗ-21213 буюу Тайга Нива. 1994-2007 онуудад үйлдвэрлэсэн.
ВАЗ-2123 буюу Нива 1998-2002 он хүртэл ОХУ-д үйлдвэрлэсэн туулах чадвар сайтай 5 хаалгатай 4х4 SUV жип.
1690 см.куб багтаамжтай, 4 цлиндр бензин хөдөлгүүртэй, 3.9 м урт, 1.64 м өргөн, 1.7 м өндөр 1300 кг жинтэй байжээ. Цагт 140км/цаг хурдлах чадвартай, 100 км хурд авахад 17 секунд зарцуулдаг. 100 км-т 10.4-10.8 л шатахуун хэрэглэдэг.
ВАЗ-2131 буюу Нива Антел. 1993 оноос одоог хүртэл үйлдвэрлэж байгаа туулах чадвар сайтай 5 хаалгатай 4х4 SUV жип.
1690 см.куб багтаамжтай, 4 цлиндр бензин хөдөлгүүртэй, 4.22 м урт, 1.68 м өргөн, 1.64 м өндөр 1350 кг жинтэй байжээ. Цагт 152км/цаг хурдлах чадвартай, 100 км хурд авахад 17 секунд зарцуулдаг. 100 км-т 11 л шатахуун хэрэглэдэг.
ВАЗ-2131, ВАЗ-2131СП, ВАЗ-2130, ВАЗ-213102, ВАЗ-213145 гэсэн хувилбартай.
ВАЗ-2130
Бронто-Марш буюу /МАРШ-ЛОНГ/1996 оноос одоог хүртэл үйлдвэрлэж байгаа бартаат замын туулах чадвар сайтай 3 хаалгатай 4х4 жип. 4.25 м урт, 2.78 м өргөн, 2.43 м өндөр 1700 кг жинтэй байжээ. 100 км-т 18.8 л шатахуун хэрэглэдэг.
LADA-БРОНТО-1922-50 буюу МАРШ-ЛОНГ. 2005 оноос үйлдвэрлэж байгаа.
LADA-БРОНТО-1922-51 буюу МАРШ-СПАСАТЕЛЬ. 2005 оноос үйлдвэрлэж байгаа.
LADA-БРОНТО-1922-53 буюу МАРШ-ПИКАП. 2008 оноос үйлдвэрлэж байгаа.
LADA-БРОНТО-1922-55 буюу МАРШ-КОМБИ. 2008 оноос үйлдвэрлэж байгаа.
Үргэлжлэл бий
Санал болгох
Сонин хачин
Уншиж байна ...