Шинжлэх ухаанд мэдэгдээгүй амьтныг нэгэн загасчин барьжээ
- schedule 2013 оны 11 сарын 13
- chat_bubble 2
Борнео арлын /Индонез, Малайз, Бруней гэх гурван улсад хуваагдан оршдог. 743,3 км2 талбайтай, үзэсгэлэнт арал, хүн ам нь 10 сая, орч./ эрэг хавьд шинжлэх ухаанд мэдэгдэж байгаа загаснаас эрс ялгаатай хачин жигтэйхэн амьтан баригджээ. Нутгийн оршин суугчид энэ хатгууртай бүтээлийг бурхны бэлэг гэцгээж байна.
Хэдэн өдрийн өмнө Малайзын Мири хотын оршин суугч 43 настай Сапар Мансор (Sapar Mansor) загасанд явжээ. Энэ эр өглөө 5 цаг гэхэд аль хэдийнээ Өмнөд-Хятадын тэнгисийн эрэгт очиж уургаа шиджээ.
Ойролцоогоор цагийн дараа хангалттай тооны загас барьсан Сапар гэрлүүгээ буцахаар болж уургаа эвхэж эхлэхдээ дэгээнд нь нэгэн жигтэйхэн амьтан байгааг ажиглажээ. Энэ эрийн ярьж байгаагаар бүхий л амьдралынхаа туршид тэр иймэрхүү юм ердөө ч харж байгаагүй гэнэ.
Гэртээ буцаж ирээд мань загасчин олзоо эхнэр хүүхэддээ үзүүлжээ. Гайхаж хоцорсон гэрийнхэн нь далайн амьтныг удаан үзсэний дараа хуягт загас гэж нэрлэхээр шийдсэн гэнэ.
Эхнэр Сити нь энэхүү хатгууртай бүтээлийг бурханы бэлэг хэмээн үзэж, гэр бүлийн сахиус болгон хатаахаар шийджээ. “Энэ бол бурхны бүтээл, иймд би болоод манай гэр бүлийнхэн түүнийг хайрлан хамгаалах болно” гэж энэ эмэгтэй мэдэгдэж байна.
Өмнөд-Хятадын тэнгисийн нууцлаг амьтны судалгааг хийж эхэлсэн “Саравакийн ойн корпорац” (SFC) -ийн мэргэжилтнүүд баригдсан загасыг сонирхож эхэллээ.
“SFC-ийн мэргэжилтнүүдийн судалгаа ид явж байгаа болохоор Мири хотын оршин суугчийн барьсан загасыг SFC-ийн мэргэжилтнүүд одоогоор тодорхойлж чадаагүй байна ” гэж ”Саравакийн ойн корпорац”-ийн ерөнхий захирлын орлогч олон нийтийн мэдээллийн хэрэгслийн /СМИ/ төлөөлөгчид мэдэгджээ.
Я.Жанчив
Санал болгох
Сонин хачин
Уншиж байна ...